ساڵڤەگەڕا جینۆسایدا ئێزدیان دێ ل فەرەنسا ئێتە ساخکرن
سه‌ما
ده‌هه‌مين بيره‌وه‌رييا سالڤه‌گه‌ڕا جينۆسايدا ئێزديان ب چه‌ندين چالاكيان ل وه‌لاتێ فه‌ره‌نسا دێ ئێته ساخكرن و بيرئانين.
ئيرۆ دووشه‌مبوويێ 29ى تيرمه‌ها 2024ێ،ته‌ماز ئيسماعيل داسنى، سەرۆکێ فەدەراسیونا ئێزدیان ل وه‌لاتێ فه‌ره‌نسا بۆ سه‌ما دياركر،ل ڕۆژا 3ى ته‌باخێ ل پاريسا پايته‌خت رێوره‌سمه‌كا شايسته بۆ ساخكرنا ده‌هه‌مين بيره‌وه‌رييا سالڤه‌گه‌ڕا جينۆسايدا ئێزديان دێ ئێته گێران و حكومه‌تا فه‌ره‌نسا و سيناتۆر و په‌رله‌مانتار و نوونه‌رێ حكومه‌تا هه‌رێمێ ل فه‌ره‌نسا و باليۆزێ عيراقێ ل وى وه‌لاتى و جڤاتا رۆحانى يا ئێزديان و چه‌ندين رێكخراو و كه‌سايه‌تى ژ وه‌لاتێن جودا جودا دێ به‌رهه‌ڤى رێوره‌سمان بن.
داسنى ديار ژى كر،د رێوره‌سمان دا دێ هێرشا تيرۆرستێن داعشێ بۆ سه‌ر شنگالێ و ئه‌نجامدانا تاوانێن دژى مرۆڤايه‌تێ ده‌رهه‌قێ ئێزديان دا شه‌رمه‌زار كه‌ين و كورته فلمه‌ك ژى ئێته پيشاندان ژبۆ بيرئانينا جينۆسايدێ.
برياره ل رێككه‌فتى 3/8/2024ێ كو دبته ده‌هه‌مين سالڤه‌گه‌ڕا جينۆسايدا ئێزديان،ل سه‌ر ئاستێ هه‌رێما كوردستانێ و چه‌ندين وه‌لاتان ئه‌ڤ بيره‌وه‌رى بێته ساخكرن،ئێزدى دێ داخوازيان ئاراسته‌ى لايه‌نێن په‌يوه‌نديدار بكه‌ن و ژيانا ئاواره‌بوونێ قورتال ببن و دووباره ڤه‌گه‌رنه ده‌ڤه‌رێن خۆ.