ناڤهندا نووچهیان – سهما
ژ بهر رهوشا نۆكه؛ جڤاتا رۆحانی یا بلند یا ئێزدییان رۆمالكرنا هندهك رێورهسمێن ئۆلی قهدهغه دكهت
جڤاتا رۆحانی یا بلند یا ئێزدییان، د بڕیارهكا نوو دا، ههموو جۆرێن رۆمالكرنا راگههاندنێ بۆ رێورهسمێن “قۆل كێشانێ” و “گڤاشتنا زهیتوونان” یێن ئیساله قهدهغه كرن، ئهڤ بڕیاره ههموو دهزگههێن راگههاندنێ، پلاتفۆرمێن سۆشیال میدیایێ و كهنالێن ئاسمانی بخۆڤه دگرت.
ل گۆڕ راگههاندنا جڤاتا رۆحانی، ئهڤ پێنگاڤه ژ بهر ئهو رهوشا ههستیار دهێت یا كو دهڤهر تێدا دهرباز دبت، ههر سال د ڤان رۆژان دا، ئێزدی ل پهرستگهها لالش یا پیرۆز رێورهسمێن “قۆل كێشانێ” ب شێوهیهكێ ئۆلی و كهلتووری یێ رهسهن بڕێڤه دبهن، كو ئێكه ژ كهنارێن گرنگ یێن ئۆلا ئێزدیاتیێ.
جڤاتا رۆحانی یا بلند د بڕیارا خۆ دا، ب فهرمی داخوازێ ژ ههموو دهزگههێن راگههاندنێ و لایهنێن پهیوهندیدار دكهت كو ب تهمامی پابهندی ڤێ بڕیارێ بن. ئهڤه ژ پێخهمهت پاراستنا بهرژهوهندییا گشتی و پاراستنا تایبهتمهندی و پیرۆزییا ڤان رێورهسمان د ناڤ ڤێ رهوشا تایبهت دا.