ناڤەندا نووچەیان – سەما
بنگههێ ساخلەمیيێ ل ناحيهيا باشیكێ ڕاگەهاند، دو حالەتێن تووشبوونێ ب تایا خوینبەربوونێ (الحمى النزفية) هاتنە تۆماركرن، پشتى كو بەری چار ڕۆژان هاتینە دەستنیشانكرن، و پشتى بجهئینانا پشكنینێن تاقیگەهی یێن پێدڤى، تووشبوونا وان ب فەرمی هاتە پشتڕاست كرن.
ئيرۆ شهمبيێ، 11ـى تهمموزا 2026،بنگههێ ساخلەمیيێ ل ناحيهيا باشیكێ ڕۆنكرنهك بهلاڤ كر و دياركر، تیمێن ساخلەمیيێ هەموو ڕێكارێن خۆپاراستنێ و ساخلەمیيێ یێن پەسندكری گرتینە بەر، ب هەماهنگی دگەل لایەنێن ساخلەمیسێ یێن پەیوەندیدار، و ب دوڤچۆنا ئێكسەر ژ لایێ ڕێڤەبەرێ ناحیهيا باشیكێ ڤە، ژ پێخەمەت كۆنترۆلكرنا حالەتی و ڕێگریكرن ل بەلاڤبوونا نەخۆشیيێ.
بنگههێ ساخلەمیيێ پشتڕاستكر، ڕەوشا ساخلەميیا تووشبوویان جێگیر و باشە، و ئاماژە ب وێ چەندێ ژى كر كو پشكنین بۆ هەموو ئەو كەسێن بەركەفتن دگەل وان هەین هاتیيە كرن، و تا نهۆ چو تشتەكێ كو ببتە ئەگەرێ مەترسیيێ نەهاتیيە تۆماركرن. دئێتە چاڤەڕێكرن ئيرۆ تووشبووىى ژ نەخۆشخانێ دەر بكەڤن پشتى تەمامبوونا چاڤدێریيا پزیشكى یا پێدڤى.
ژ لایێ خۆ ڤە، ڕێڤەبەریيا ناحیهيا باشیكێ داخواز ژ وەلاتيیان كر كو پێزانینان ژ ژێدەرێن وان یێن فەرمی وەربگرن، و ل دووڤ دەنگۆ و نووچەیێن نەپشتبەستى نەكەڤن یێن كو ترسێ د ناڤ خەلكى دا بەلاڤ دكەن. هەروەسا تهكهز ل سەر بەردەوامیيا هەماهنگیيێ دگەل لایەنێن ساخلەمیيێ یێن پەیوەندیدار كر ژ بۆ گرتنەبەرا هەموو ڕێكارێن پێدڤى دا كو ساخلەمیيا گشتى و سلامەتیيا وەلاتیان بێتە پاراستن.