ناڤەندا نووچەیان – سەما
ئاواره‌يێن شنگالێ يێن ل كه‌مپان و ڤه‌گه‌رياينه ده‌ڤه‌رێن خۆ دێ گازا سپى وه‌رگرن و ل ڤان رۆژان دێ ده‌ست ب دابه‌شكرنێ ئێته كرن.
نڤيسينگه‌ها په‌رله‌مانتار مه‌حما خه‌ليل، ئه‌ندامێ ئه‌نجوومه‌نێ نوونه‌رێن عيراقێ به‌لاڤكريه، ره‌زامه‌ندى ژلايێ رێڤه‌به‌رێ كۆمپانيا دابه‌شكرنا به‌رهه‌مێن پترۆلێ ل پارێزگه‌ها نه‌ينه‌وا هاتيه وه‌رگرتن كو ل ڤان رۆژان دێ ده‌ست ب دابه‌شكرنا گازا سپى ل سه‌ر ئاواره‌يێن شنگالێ ل كه‌مپان و ژ ده‌رڤه‌ى كه‌مپاندا و يێن ڤه‌گه‌رياينه ده‌ڤه‌رێن خۆ بێته كرن.
ديار ژى كريه، رێڤه‌به‌ريا كۆچ و كۆچبه‌ران تايێ دهۆكێ هاتيه ئاگه‌هداركرن بۆ وه‌رگرتنا پشكا گازا سپى داكو بده‌نه ئاواره‌يان.
هێشتا ب سه‌دان خێزانێن ئاواره‌يێن شنگالێ ل ناڤا كه‌مپان دا ل سنوورێ پارێزگه‌ها دهۆكێ و ئيدارا سه‌ربه‌خۆيا زاخۆ ژيانا خۆ د ره‌وشه‌كا په‌ريشان دا ده‌رباز دكه‌ن.
هه‌رچه‌نده دگه‌ل ده‌ستپێكرنا وه‌رزێ زڤستانێ پرۆسه‌يا دابه‌شكرنا گازا سپى ل سه‌ر ئاواره‌يان گيرۆبوويه، ئه‌و داخواز دكه‌ن ب زووترين ده‌م گازێ وه‌رگرن.