ناڤەندا نووچەیان – سه‌ما
د.ڤیان دەخیل، ئەنداما پەرلەمانێ عیراقێ و په‌يڤدارا فەرمی یا فراکسیۆنا پارتى دیموکراتى کوردستان، پرۆژەیەکێ ئەکادیمی پێشکێشی سەرۆکێ زانکۆیا ئەمریکی ل دهۆکێ کر، ئارمانجا ڤى پرۆژه‌ى رۆناهیکرنه ل سەر كۆمكوژيێن د درێژاهيا ديرۆكێ دا بسه‌رێ گەلێ کورد دا هاتين.
نڤيسينگه‌ها راگه‌هاندنا په‌رله‌مانتار د.ڤيان ده‌خيل، ئەنداما پەرلەمانێ عیراقێ و په‌يڤدارا فەرمی یا فراکسیۆنا پارتى دیموکراتى کوردستان دراگه‌هاندنه‌كێ دا به‌لاڤكريه: ئەڤ پرۆژە بەحسێ قۆناغێن تراژيدى دکەت یێن کو کورد تێدا ژیاینە و ديتينه، ژ کارەساتا هەڵەبجە و بکارئینانا چەکێن کیمیاوی دژی خەلکێ سڤیل، هەتا پرۆسێسا ئەنفالێ یا کو هەزاران کەسێن بێ گونەهـ تێدا ژ ناڤ چوون، هەروەسا ئەنفالکرنا بارزانیان و کوشتنێن ب کۆم و زۆره‌ملێكرنا ب نه‌چارى، هەتا دگەهتە جینۆسایدا ل دژى جڤاکا ئێزدیان ل سالا 2014 پشتی داعش شنگال داگیرکری و کریارێن دژی مرۆڤاتیێ ئەنجامداین.
په‌رله‌مانتار ڤیان دەخیل دیار ژى کر، ئەڤ پرۆژە دخوازیت ڤان کارەساتان ب ڕێکەکا ئەکادیمی و زانستی تۆمار بکەت، دا ببتە پرۆگرامه‌كێ خواندنێ ل زانکۆ و دامەزراوێن ئەکادیمی نە تنێ د ئاستێ ناڤخۆی، بەلکو ل ئاستێ نێڤدەوڵەتی ژی، هەروەسا ئەڤ پرۆژە هیڤیدارە هشیاریا جیهانی دەربارەی مەزناتیا کارەساتێن کو هاتینە سەرێ گەلێ کورد و جڤاکێ ئێزدی زێدەتر بکەت، و بێتە پشتگیری ژ دووبارەبوونا ڤان تاوانان دژی هەر گەل یان كێمينه‌يێن ئۆلی یان نەژادی.
هه‌روه‌سا ده‌خيل، بانگەوازيێ ل جڤاکێ ئەکادیمی و لایەنێن نێڤدەوڵەتی کر پشتەڤانیا ڤى پرۆژه‌ى بکەن و هاریکار بن دا ببتە ژێدەرەکێ ئەکادیمی کو دێ هاریکاریا گەهاندنا دەنگێ قوربانیان و داخوازیا دادپەروەری و لێپرسینێ ژ تاوانێن هاتینە کرن.