پشتی دوازدە ساڵان ژ چاڤەڕێکرنێ، “ئالا” بوو مێهڤانێ مالەکا دهۆكێ
دهۆك – ناڤەندا نووچەیان
د چیرۆکەکا مرۆڤایەتی یا کارتێکەر دا، پشتی دوازدە ساڵێن درێژ و تژی ژ بێ هیڤیێ، خێزانەک ل دهۆكێ ب هاتنا زارۆكهكی كهیفخۆش بوون.
ئەڤ مالباتە، کو بۆ ماوێ پتر ژ دەهـ ساڵان ل هیڤیا زارۆکەکێ بوون، ئیڕۆ خودێ ب کەرەما خۆ دەرگەهێ کەیفخۆشیێ ل بەر وان ڤەکر، ئەڤ نووچەیە نەک بتنێ بۆ مالباتێ، بەڵکو بۆ هەموو نێزیکێن وان ژی بوویە جێیێ دلخۆشیێ.
د دیدارەکا تایبەت و پڕ ژ هەست دا بۆ کەناڵێ سەما، داپیرا وی زارۆکی ب کەیفخۆشییەکا بێ پایان ڤە ڕاگەهاند:”ئەم گەلەک سوپاسیا خودێ دکەین کو پشتی دوازدە ساڵان ئەڤ کورە ب رزقێ مالا مە کر، مە ناڤێ وی کرییە (ئالا)، وەک هێمایەک بۆ سەرفەرازی و نویبوونا ژیانێ د مالا مە دا.”
داپیرێ د بەردەوامییا ئاخفتنێن خۆ دا گۆت: “هەستێ مە ناهێتە وەسفکرن، پشتی ڤێ چاڤەڕێکرنا درێژ، ژیانەکا نووی هاتە ناڤ خێزانا مە، ئەم هەمی گەلەک پێ خۆشحاڵین.”
ب هەلکەفتا ١٢٣ ساڵڕۆژا ژدایکبوونا بابێ ڕۆحیێ نەتەوا کورد، بارزانیێ نەمر، لقا ئێک یا پارتی دیموکراتی کوردستان وەک ڕێزگرتن و پیرۆزباهی، هەموو ئەو زارۆکێن ل ڤێ ڕۆژێ (١٤ی ئادارێ) ژدایکبووین خەلات کرن، د ڤێ چوارچۆڤێ دا، زارۆکێ نوی “ئالا” ژی هاتە خەلاتکرن، وەک پشکەک ژ ڤێ دەستپێشخەرییا لقا ناڤبری بۆ خێزانێن دەڤەرێ.
ئەڤ هەوێن خەلاتکرنێ ساڵانە ل ڤێ ڕۆژێ دهێنە ئەنجامدان، وەک وەفایەک بۆ ڕێبازا بارزانیێ نەمر و پشکداریکردن د خۆشییا مالباتان دا.