سه‌ما
ئيرۆ چارشه‌مبوويێ 25ى ئيلۆنا 2024ێ، مەسرور بارزانی، سەرۆکێ حکومەتا هەرێما کوردستانێ، پێشوازی ل پاتریك دۆرێل، بالیۆزێ فرەنسا ل عیراقێ کر.
ب گۆڕه‌ى راگه‌هاندنا حكومه‌تا هه‌رێما كوردستانێ ، د دیدارێ دا ئاماده‌كارییێن ئه‌نجامدانا هه‌لبژارتنێن په‌ڕله‌مانێ كوردستانێ و دوماهی پێشهاتێن ڕه‌وشا گشتییا عیراقێ و پێشڤه‌برنا پەیوەنديیێن دوولایەنی هاتنه گوتوبێژكرن.
هەردوولا د هه‌ڤڕابوون ل سەر ئه‌نجامدانا هەلبژارتنه‌كا پاك و ئازاد و ل ژێر چاڤدێريیا نێڤدەولەتی و دویر ژ پێشێلکارییان.
هه‌روه‌سا هەردوولا د هه‌ڤڕابوون ل سەر پێویستییا دەستپێکرنا هنارتنا په‌تڕۆلا هەرێما کوردستانێ د زووترین ده‌م دا، ژبه‌ركو ڕاوه‌ستیانا وێ زیانه‌كا مه‌زن ب بوودجا گشتی یا فیدڕال گه‌هاندییه.