ناڤەندا نووچەیان – سه‌ما
نڤیسینگەهەکا تایبەت ب ماددەیا 140 ل پارێزگەها نەینەوا دێ ئێتە ڤەکرن.
شێروان دووبەردانى، ئه‌ندامێ په‌رله‌مانێ عيراقێ، ئيرۆ چارشه‌مبوويێ 26ـی شوباتا 2025ێ، راگەهاند: نڤيسينگه‌ها ماددەیا ١٤٠ یا دەستوورى ل بەشێ راست یێ باژێرێ نه‌ينه‌وا ، د چارچووڤێ نڤيسينگه‌ها شنگالێ دا دێ ئێته ڤه‌كرن.
ئه‌ندامێ په‌رله‌مانێ عيراقێ گۆتژى: ئەڤە بۆ وەرگرتنا داخوازیێن زيانڤێكه‌فتيانه ل دەڤەرێن کو ماددەیا ١٤٠ وان ڤەدگرت.
دووبه‌ردانى باس ل وێ چه‌ندێ كر، گەلەک وەڵاتیان ل ڤان دەڤەران نكارينه داخوازیێن خۆ پێشکێش بکەن، ژبەر جوداهیا بارودۆخان.
دا زانين ژى: ڤەکرنا نڤيسينگه‌هێ ل نه‌ينه‌وا دێ دەرفەتێ دەته ڤان کەسان کو داخوازیێن خۆ پێشکێش بکەن، دا پشتی هینگێ ژلایێ لایەنێن پەیوەندیدار ڤە ل داخوازیێن وان بێتە نێرین.