ناڤەندا نووچەیان – سەما
سهرهراى دهربازبوونا 12 سالان ب سهر جينۆسايدا ئێزدييان دا، هێش ب ههزاران كچ و ژنێن ئێزدى گرتينه و ئاوارهيێن ئێزدى د ناڤا كهمپان دا ژيانا خۆ دبۆرينن، وهكيلێ ميرێ ئێزدييان دبێژت: هێش جينۆسايد يا بهردهوامه.
جههوهر عهلى بهگ، وهكيلێ ميرێ ئێزدييان بۆ كاروبارێن پهيوهندييان بۆ سهما ڕاگههاند، ئهڤه بوونه 12 سال ب سهر جينۆسايدا ئێزدييان دا دهرباز دبن، هێش ئاواره ل كهمپان دا دژين، ههموو گۆڕێن بكۆم نههاتينه ڤهكرن و چارهنڤيسێ ڕهڤاندييان يێ وندايه.
گۆتژى: جينۆسايدا ئێزدييان يا بهردهوامه، لهورا داخوازێ ل حكومهتا عێراقێ و ههرێما كوردستانێ دكهين ڕهوشا شنگالێ ئارام بت و خهلك بێته قهرهبوو كرن و دوباره بزڤرنه دهڤهرێن خۆ و دهست ب ژيانا خۆ يا ئاسايى بكهن.
ڕۆژ ب ڕۆژێ، ژیانا ئاوارهيێن شنگالێ د ناڤ کەمپان دا “پەريشان و زەحمەتتر دبت. د دەمەکێ دا ئەوان چاڤ ل ڤەگەڕیانەکا سەرفهرازى يه بۆ زێدێ خۆ ههيه، بەلێ ڕەوشا ئەمنی، وێرانکاریيەکا بەرفرههـ و پشتگۆخستنا بەردەوام، هيڤييێن ڤێ ڤەگەڕیانێ تارى کرینە.
پشتی داگیرکرنا مووسلێ، ل 3ی تهباخا2014 ، ڕێكخراوا داعش يا تیرۆرستی ب چەک و تەقەمەنی و کەرەستەیێن سەربازیيێن سوپایێ عێراقێ کو ل مووسڵێ هێلابوون، هێرشەکا بەرفرههـ کرە سەر شنگالێ و دەڤەرێن دەوروبەرێن وێ. د وێ هێرشێ دا، داعشێ كچ و ژن و زاڕۆك و زەلام کۆمکوژ کرن و كچ و ژن ژى کرنە کەنیزە و د بازاران دا کڕین و فرۆتن پێ کرن.