ناڤهندا نووچهیان – سهما
پڕۆسهيا ديپۆرتكرنا پهنابهرێن ئێزدى ل وهڵاتێ ئهڵمانيا بهردهوامه، وهكيلێ ميرێ ئێزديان ژى داخوازێ ل دهستههلاتێن ئهڵمانيا دكهت پتر هاريكارى و پشتهڤانييا ئێزديان بكهن و كهيسا ديپۆرتكرنێ ب ڕاوهستينن.
ماوهيهكه پڕۆسهيا ديپۆرتكرنا پهنابهرێن ئێزدى دهستپێكريه و گشتگير يا ههڤژين و خێزانان گيرۆبوويه، ئهڤێ چهندێ ئێزدى دڵگران كرينه.
جههوهر عهلى بهگ، وهكيلێ ميرێ ئێزديان بۆ كاروبارێن پهيوهنديان، ئيڕۆ 3-12-2025، بۆ سهما ڕاگههاند: ئهم داخوازێ ژ دهستههلاتێن ئهڵمانيا دكهين ديپۆرتكرنا پهنابهرێن ئێزدى ب ڕاوهستينن و دووباره پێداچوونێ د كهيسێن ئێزديان دا بكهن، ژبهر هێشتا ئێزدى ژ كاودانێن مرۆڤى يێن ب زهحمهت يێن جينۆسايدێ و دهربهدهريێ دناڵن.
ب گۆتنا وهكيلێ ميرێ ئێزديان: هێشتا ب دههان خێزان و ههڤژين يێن ئێزدى چاڤهڕێى گشتگير(لم شمل) دكهن داكو بگههنه ههڤدوو، ژبهركو ئهڤه چهندين ساڵه ئهڤ پڕۆسهيه ژى گێرۆبوويه.
ديارژى كر: هيڤيدارين حكومهتا ئهڵمانيا هاريكارى و پشتهڤانييا ئێزديان و ب تايبهت خهڵكێ شنگالێ بكهت و ههڤكار بت بۆ دووباره ئاڤهدانكرنا وى باژێرى.
ب گۆڕهى ئاماران زێدهترى 300هزار ئێزدى ل وهڵاتێ ئهڵمانيا دژين، ب تايبهت پشتى جينۆسايدا ب سهرێ ئێزديان داهاتى ل سهر دهستێ داعشێ ل تهباخا 2014 ل شنگالێ، زێدهترى 100هزار ئێزدى كۆچبهرى دهرڤهى وهلاتێ بوون.