ناڤهندا نووچهیان – سهما
نێیمار داسیلڤا، ستێرا ههلبژارتیێ بهرازیل، هێشتا بێ هیڤی نهبوویه و ههموو ئارمانجا وی ئهوه كار بكهت داكو ژلایێ كارلۆ ئانچێلۆتی، راهێنهرێ ئیتالی یێ ههلبژارتیێ وهلاتێ وی، بهێته بانگهێشتكرن.
مالپهرێ “GOAL” یێ جیهانی بهلاڤكریه كو نێیمار داسیلڤا، یاریزانێ یانهیا سانتۆس، ژ پێخهمهت پشكداریا د مۆندیالا 2026ێ دا، بڕیار دایه یانهیا خۆ بكهته قوربانی، د ماوێ داهاتی دا دێ كۆمهكا پێنگاڤان هاڤێژت دا كو بكارت ڕاهێنهرێ ههلبژارتیێ وهلاتێ خۆ رازی بكهت بۆ بانگهێشتكرنێ.
نێیمار بۆ ههردوو یاریێن دۆستانه یێن ههلبژارتیێ وهلاتێ خۆ ل ههمبهر فهرهنسا و كۆلۆمبیا نههاتیه بانگهێشتكرن، بهلێ بڕیاره ئانچێلۆتی ل رۆژا 18ی ههیڤا گولانێ (مایس) یا ئهڤ ساله، لیستا دوماهیێ یا ههلبژارتیێ خۆ بۆ مۆندیالا 2026ێ بهلاڤ بكهت. ئهڤ یاریزانه دخوازیت ههتا وێ گاڤێ ئهڤان كاران ئهنجام بدهت.
ژوانژی كاركردن ل سهر خشتهیهكێ تایبهت داكو ئاستێ شیانێن خۆ یێن جهستهیی بلند بكهت، دووركهفتن ژ یاریێن یانهیێ ئهگهر نێیمار بۆ مۆندیالا 2026ێ بهێته بانگهێشتكرن پشكداریێ د چو یاریێن دی یێن یانهیا خۆ ناكهت، دا كو جارهكا دی تووشی هنگاڤتنێ (پێكانێ) نهبت.
ههروهسان نهچۆنا گهشتێن دوور، ستێرا یانهیا سانتۆس ژ بهر گهشتا دوور و درێژ یا یاریێ ل ههمبهر “دیپۆرتیڤۆ كۆئینكا” یا ئیكوادۆری، پشكداریا وێ یاریێ ناكهت، نێیمار ژ بهر كارتێكرنێن خراب یێن چیمهنێ دهستكرد، بڕیار دایه پشكداریا یارییا بهێت یا یانهیا خۆ ل ههمبهر “پاڵمێراس” نهكهت، ههروهسان ستێرا سانتۆس پشكداریا وان یارییان ناكهت یێن كو ژ باژێرێ وی دوورن.
