ناڤەندا نووچەیان – سەما
ئیرۆ ئێکشەمبێ، 16ـی تەباخا 2026، سەرۆک بارزانی پەیامەک ب هەلکەفتا 80هەمین سالیادا دامەزراندنا پارتی دیموکراتی کوردستان بەلاڤکر.
سەرۆک بارزانی بڤێ هەلکەفتێ، گەرمترین پیرۆزباهییان ل خێزنێن سەربلندێن شەهیدان، پێشمەرگەیێن قارەمان، سەرجەم جەماوەر و لایەنگرێن پارتی و هەموو خەلكێ كوردستانێ دکەت.
دەقێ پەیاما سەرۆك بارزانی ب هەلکەفتا هەشتەمین سالیادا دامەزراندنا پارتی دیموكراتی كوردستان:
ب هەلکەفتا شازدەیی تەباخێ یادا هەشتێ سالیا دامەزراندنا پارتی دیموکراتی کوردستان، گەرمترین پیرۆزباهییان ل مالباتێن سەربلندێن شەهیدان، پێشمەرگێن قارەمان، هەمی جەماوەر و لایەنگرێن پارتی و هەمی خەلکێ کوردستانێ دکەم.
پارتی ژپێخەمەت ڤەگەراندنا هێڤی و هێزێ بۆ گەلێ کوردستانێ د سەردەمەکێ سەخت و دژۆاردا هاتە دامەزراندن، ب درێژاهییا مێژوویا خۆ، پارتی قوتابخانا خەباتکەر و شۆرەشگێرێن کوردستانێ بوویە د هەمی قوناغاندا بەرەڤانەکا سەرسەخت یا مافێن ڕەوا یێن گەلێ کوردستانێ بوویە، پارتی د بوریدا و نوکە و داهاتوویدا، ئامرازەکە بۆ خزمەتکرنا خەلکێ و بجهگەهاندنا ئامانج و بهایێن نەتەوەیی و نیشتیمانی.
پارتی باوەری بهێزیا پێکڤەژیان، و برایەتی و تەباییا دناڤبەرا هەمی پێکهاتێن و نەتەوەیی و ئایینیی و هەمی لایەنێن سیاسیێن کوردستانێ و عێراقێ هەیە، هەروەسا پرەنسیپێن هەڤبەشی و رێزگرتن ل دەستوری
زامنێ سەقامگیری و ئارامی و ڤەژاندنێ ل هەمی عێراقیدا دزانیت.
دیادا شازدەیی تەباخێدا، من پەییام بۆ جەماوەر، لایەنگر و ئەندامێن پارتی ئەوە، کو پارتی ژێدەرێ هێزا گەلێ کوردستانێیە، ئەرکێ سەرەکیێ پارتی خزمەتکرنا گەلێ کوردستانێ یە و ب پشتەڤانییا خودێ ئیرادە و هیمەتا هیچ کۆسپ و ئاستەنگەک نەشێت ڕێگربیت بەرامبەر ئەڤی ئەرکێ پیرۆز. د ئەڤێ هەلکەفتێدا، یادا هەمی ئەوان شەهیدان پێشمەرگە و خەباتکەرێن قارەمان بلند رادگرین کو ب درێژاهییا خەبەتا پارتی قوربانی داینە.
هەروەسا من پێزانین بۆ رۆلێ کادران، ئەندامان و جەماوەرێ خوەشتڤتیێ پارتی هەیە کو دلسۆزانە و ماندوونەناسانە، ل هەمی رەوشەکيدا پشتەڤانێن پارتیا خوە بوون و مێژوو و شانازیی بۆ گەلێ خوە تۆمارکرینە