خانكێ – SEMA TV
دگهل نێزیكبوونا سهرێ سالا كوردی و وهرزێ بههارێ، ب مهبهستا پاراستنا ژینگههێ و نیشاندانا رویهكێ شارستانی، گرووپێ ژینگههپارێزێن خانكێ ب ههڤكاریا كۆمهكا گهنج و زارۆكێن دهڤهرێ، ههوهكا پاقژكرنێ ل ژێر درووشمێ “مه مالا خۆ پاقژ كر” ئهنجامدا.
تێ زانین ئارمانج ژ ڤی كاری پهیامهكا هشیاریێ یه داكو بگههته ههموو وهلاتیان كو ژینگههێ وهكو ناخێ خۆ ب پاقژی بهێلن، د ئهنجامێ ڤێ چالاكیێ دا، نێزیكی (200) كیسێن زێدهگاڤی و گێلێشی ل دهردۆرێن ناحیێ هاتنه كۆمكرن و رهوانهكرن بۆ جهێن تایبهت.
ئهندامێن گرووپێ ژینگههپارێز د ڤێ ههوێ دا تهكید ل وێ چهندێ كر، كو پاراستنا ژینگههێ ئهركێ ههموو تاكهكی یه. بانگهوازیا وان بۆ وهلاتیان ئهو بوو، كو د وهرزێ سهیرانان دا سروشتێ كوردستانێ ب پاقژی بهێلن و بهرمایكێن خۆ ل جهێن گشتی نههێلن.
جهێ ئاماژهكرنێ یه، گهنجێن دهڤهرێ ههردهم د ئامادهنه بۆ خزمهتكرنا ژینگههێ و ئاڤاكرنا جڤاكهكێ ساخلهم.
