ڕێڤەبەرییا گشتى یا ڕەوشەنبیرى و هونەرى ل پارێزگەها دهۆکێ ڕاگەهاند، كو ئهڤ ساله چ ڕێورەسم و ئاههنگێن فهرمى و جهماوهرى بۆ هلکرنا ئاگرێ نەورۆزێ و سهرێ سالا كوردى نائێنە ئەنجامدان.
حەسەن فەتاح، پەیڤدارێ ڕێڤەبەرییا گشتى یا ڕەوشەنبیرى و هونەرى ل دهۆکێ، د لێدوانهكا رۆژنامهڤانى دا دیار كر: ژ بەر پاراستنا سلامەتیا وەلاتیان و پێگیری ب بڕیار و رێنمایێن وەزارەتا ناڤخۆ ل حكومهتا ههرێما كوردستانێ، و بۆ رێگریكرن ژ خرڤەبوونێن جهماوهرى، بڕیار هاتهدان كو چ چالاكیێن فهرمى ل ناڤ سهنتهرێ باژێرى نههێنه ئهنجامدان.
پەیڤدارێ ڕێڤەبەریێ ئاماژه ب وێ چهندێ ژى كر، كو ئهو رێگریێ ل كهیفخۆشیا وەلاتیان ناكهن، بهلێ داخوازێ ژ وهلاتیان دكهن كو بۆ پاراستنا سلامهتیێ، ههر كهسهك دكارت ب شێوهیهكێ سادە ل بانێ مالا خۆ یان جهێن تایبهت ئاگرەکێ بچوک هلکەت، ب مهرجهكێ نهبته ئهگهرێ دروستبوونا قهرهبالغی و پێشێلكرنا رێنمایێن ساخلهمی و ئهمنى.
ئهڤ بڕیاره د دهمهكێ دایه كو ل ههموو سالان ل باژێرێ دهۆكێ ل سهر چیایێ زاوێته و گهلیێ دهۆكێ ڕێورەسمێن مهزن بۆ پێشوازیكرن ل جهژنا نهورۆزێ دهاتنه گێڕان، لێ ئهڤجاره ژ بهر ڕهوشا دهڤهرێ ب تایبهت شهرێ دناڤبهرا ئیران و (ئهمریكا و ئیسرائیل) چ ڕێ و رهسمێن فهرمی بۆ هلكرنا ئاگرێ نهورۆزێ نائێنه گێران.
