تۆرا لالش
ڕۆژا پێنجشهمبوویێ، ڕێكهفتی ١٦ى نیسانا ٢٠٢٦ێ، ههلبهستڤان، نڤیسهر و گهڕۆكێ ناڤدار (بهدهل ڕهفۆ)، ب ههڤالینیا كۆمهكا ههلبهستڤان و ڕهوشهنبیرێن دهڤهرێ، سهرهدانا بنگههێ لالش یێ ڕهوشهنبیری و كۆمهلایهتی تایێ شێخان كر.
شاندێ مێهڤان ژ ئالیێ ئهندامێن تایێ ناڤبری ڤه ڤه ب گهرمی هاتنه پێشوازیكرن، وهك ڕێزگرتن ل جهێ دهستێ وی یێ دیار و بلند د بوارێ ئهدهبی و ڕهوشهنبیری دا.
د كۆمبوونهكێ دا گهنگهشهیهكا ڕهوشهنبیری یا تایبهت هاته ئهنجامدان، بیر و بۆچۆن ل دۆر ڕهوشا ڕهوشهنبیری ل دهڤهرێ هاتنه ئاڵوگۆڕكرن. ههروهسا تهكهزی ل سهر گرنگییا ب هێزكرنا ڕۆڵێ ناڤهندێن ڕهوشهنبیری هاته كرن بۆ بهلاڤكرنا هۆشیاریێ و پاراستنا كهلتۆر و ناسنامهیا نهتهوهیی.
ل دووماهیا سهرهدانێ دا، ئامادهبوویان سوپاسیا خوه بۆ وێ پێشوازی و مێهڤانپهروهریا جوان دیار كر، و دووپات ل سهر پێدڤیا بهردهوامیا ڤان جۆره چالاكی و دیداران كر، كو دبنه ئهگهرێ بهێزكرنا پهیوهندیێن ڕهوشهنبیری د ناڤبهرا چینێن جودا یێن جڤاكی دا.
