ناڤەندا نووچەیان – سەما
برياره دو وه‌ستگه‌هێن كاره‌بێ ل ناحيا سنوونێ ل قه‌زا شنگالێ بێنه دانان و كێشه‌يا كێميا كاره‌بێ ل ده‌ڤه‌رێ نه‌مينت.
نڤيسينگه‌ها راگه‌هاندنا ئه‌ندامێ په‌رله‌مانێ عيراقێ، مه‌حما خه‌ليل، به‌لاڤكريه، كێشه‌يا كێميا كاره‌با نيشتيمانى ل شنگالێ هه‌يه و بريار هاتيه دان هێلا گرێدانا كاره‌بێ يا شنگالێ و ناحيا گرعزێر ژ ده‌ڤه‌رێن به‌عاج و چه‌ند گوندێن دى بێته ژێڤه‌كرن و وه‌ستگه‌هێن زێده‌تر ل ده‌ڤه‌رێ بێنه دانان.
ديارژى كريه، دچارچوڤێ پلانا سندۆقا ئاڤه‌دانكرنا شنگالێ دا، هه‌موو تۆڕێن كاره‌با نيشتيمانى ل گوند و كۆمه‌لگه‌هێن ناحيا سنوونێ دێ ئێنه نووكرن و سه‌خبێركرن ڤه، بۆ هندێ كاره‌ب زێده‌تر بگه‌هته وه‌لاتيان.
هه‌روه‌سا گۆتيه، برياره دو وه‌ستگه‌هێن كاره‌بێ ل ناحيا سنوونێ ل قه‌زا شنگالێ بێنه دانان، ژبۆ چاره‌كرنا كێشه‌يا كێميا كاره‌بێ.
ل گه‌ل ده‌ستپێكرنا وه‌رزێ زڤستانێ ده‌مژمێرێن پێدانا كاره‌با نيشتيمانى ب وه‌لاتيان ل ده‌ڤه‌رێن شنگالێ كێمبووينه.