ناڤەندا نووچەیان – سەما
سەرۆک بارزانی ب هەلکەفتا جەژنا ژدایکبوونا حەزرەتێ مەسیح، گەرمترین پیرۆزباهییان ل کریستیانان دکەت و هیڤیخوازە ئەڤ هەلکەفتە دەستپێکا ب داوی هاتنا نەخۆشی، نەهامەتی و ئازارێن مرۆڤایەتیێ بت ل هەموو جیهانێ.
چارشەمبوویێ، 24ـی کانوونا ئێکێ 2025، سەرۆک بارزانی ب هەلکەفتا جەژنا ژ دایکبوونا حەزرەتێ مەسیح (سلاڤێن خودێ لێ بن) پەیامەک بەلاڤکر.
د پەیاما سەرۆک بارزانی دا هاتییە، ب هەلكەفتا سەری سالا نوو یا زایینی و جەژنا ژ دایكبوونا حەزرەتێ مەسیح (سڵاڤێن خودێ لێ بن)، گەرمترین پیرۆزباهیێن خۆ ئاراستەیی سەرجەم خوشك و برایێن كریستیان ل كوردستانێ و عێراقێ و جیهانێ دكەم و هیڤیا بەختەوەریێ بۆ وان دخوازم.
د ڤێ هەلكەفتێ دا تەكەزییێ ل سەر كویرتركرنا فەرهەنگا پێكڤەژیانێ و برایەتییا د ناڤبەرا سەرجەم پێكهاتەیێن ئایینی و نەتەوەییێن كوردستانێ دا دكەمەڤە و هیڤیدارم خووشك و برایێن مە یێن كریستیان هەردەم جەژن و هەلكەفت و خۆشیێن خۆ د ناڤ تەناهی و ئاشتیێ دا بگێڕن.
هیڤیدارم ئەڤ هەلكەفتە ببتە دەسپێكا ب دووماهی هاتنا نەخۆشی و نەهامەتی و ئازارێن مرۆڤایەتیێ ل هەموو جیهانێ، و ئاشتی و پێكڤەژیان جهێ وان بگرت.