ناڤهندا نووچهيان – سهما
كاركرن ل سهر پڕۆژهكێ ئاڤێ ل ناحيا ئهلقوش دهستپێكرييه و ههتا سالهكا دى كێشهيا ئاڤێ ل سهرانسهرى دهڤهرێ نامينت.
شهمبوويێ، 28ـی حوزەیرانا 2025، ئێريڤان مههدى، ئهنداما جڤاتا پارێزگهها نهينهوا ل سهر فراكسيۆنا پارتى ديموكراتى كوردستان بۆ سهما ڕاگههاند: دهمێ ڕێكخراوا داعش يا تيرۆرستى ل 2014دهست بسهر مووسلێ دا گرتى، پڕۆژێ ئاڤا ئهلقوش هاته خرابكرن، نوكه دووباره كاركرن ل سهر پڕۆژهيى بهردهوامه و نێزيكى 69%تهمامبوويه.
دبێژت: ئهگهر چ كێشهيێن تهكنيكى نهبنه ڕێگر و لدووڤ گۆتنا ئهندازيارێن سهرپهشت ههتا سالهكا دى پڕۆژه دێ ب داوى ئێت و ب ئێكجارى كێشهيا ئاڤێ ل ناحيا ئهلقوش و گوندێن بسهرڤه نامينت.
ئێريڤان مههدى ڕاگههاند: ئهڤ پڕۆژه دێ خزمهتا دهڤهرێ و گوندێن بسهر ڤه كهت.
ئاماژه ب وێ چهندێ دا، نوكه ل چهند گوندێن ئێزديان بيرێن ئاڤێ هاتينه كۆلان و كار ل سهر هندهكێن دى بهردهوامه، تا ڕادهيهكێ زۆر دێ مفاى گههينه خهڵكێ و كێشهيا ئاڤێ ل وان گوندان كێم بت.
ئهنداما جڤاتا پارێزگهها نهينهوا ديار ژى كر، ل سهر گههاندنا كێشه و گازندێن خهڵكێ بۆ لايهنێن پهيوهنديدار دێ دبهردهوام بين، ههتا ههموو كێشهيێن وان دئێنه چارهسهركرن.
ناحيا ئهلقوش زێدهترى 30 گوند و كۆمهڵگههان ب خۆڤه دگرت و ژ روويێ ئيدارى ڤه سهر ب پارێزگهها نهينهوا ڤهيه و پتريا ئاكنجيێن وێ ئێزدينشينن.