سه‌ما
ل سنوورێ ناحيا خانكێ كار ل سه‌ر چێكرنا هه‌ژماره‌كا پرۆژه‌يێن خزمه‌تگۆزارى دئێته كرن و هنده‌ك ژى كه‌فتينه دخزمه‌تا وه‌لاتيان دا.
زه‌ده‌شت شێخ شامۆ، رێڤه‌به‌رێ ناحيا خانكێ راگه‌هاند، ب كوژمێ زێده‌تر ژ 5 مليار دينارێن عيراقى ده‌ست ب چێكرنا پتر ژ 108 جادده‌يێن نا‌ڤخۆيێ و ئاڤرێژان ب درێژاهيا 17 كيلۆمه‌تران و 545 مه‌تران ل سنوورێ خانکێ هاتيه كرن و هنده‌ك جاده ته‌مام بووينه و كه‌فتينه دخزمه‌تا وه‌لاتيان دا و هنده‌كێن دى ژى نهۆ دقۆناغا قێركرن و تێكه‌لكرنێ دانه.
ئاماژه ب وێ چه‌ندێ دا ئه‌نجامدانا پرۆژه‌يێن خزمه‌تگۆزارى ل هه‌موو گوندێن ده‌ڤه‌رێ دێ يا به‌رده‌وام بت.
ل رێككه‌فتى 13/6/20222، ل سه‌ر فه‌رمانا رێزدار مه‌سرور بارزانى، سه‌رۆكوه‌زيرێن حكومه‌تا هه‌رێما كوردستانێ كۆمه‌لگه‌ها خانكێ ب فه‌رمى بوويه ناحيه و چه‌ندين فه‌رمانگه‌هێن حكومى هاتينه ڤه‌كرن بۆ خزمه‌تكرنا خه‌لكى.
پشتى ناحيبه‌بوونا خانكێ حكومه‌تا هه‌رێمێ تا نهۆ چه‌ندين پرۆژه‌يێن خزمه‌تگۆزارى دبياڤێن جودا جودا پێشكێشى ده‌ڤه‌رێ كرينه.