سه‌ما
سەرۆکێ دەستەیا بلندا بنگەهێ لالش راگه‌هاند، ئێزدى بۆ پاراستنا داب و نه‌ریت و كه‌لتۆرێ ره‌سه‌نێ ئێزدیان پشته‌ڤانیا لیستا 190 یا پارتى دیموكراتى كوردستان دكه‌ن و دبێژن سه‌ركه‌فتنا لیستا پارتى رامانا بهێزبوونا باوه‌ریا هه‌موو پێكهاتێن كوردستانێ یه.
سه‌عيد جردۆ، سەرۆکێ دەستەیا بلندا بنگەهێ لالش يێ ره‌وشه‌نبيرى و كۆمه‌ڵايه‌تى ل دهۆكێ بۆ سه‌ما راگه‌هاند، لیستا 190 لیستا ئاڤه‌دانی و خزمه‌تگۆزاریا هه‌موو خه‌لكێ كوردستانێ یه، ئەم دخوازین هه‌موو ئێزدى رۆژا 20/10/2024ێ بچنه سه‌ر سندۆقێن ده‌نگدانێ و ده‌نگێ خۆ بده‌نه ڤێ ليستێ.
ئاماژه ب وێ چه‌ندێ ژى دا، بۆ پاراستنا داب و نه‌ریت و كه‌لتۆرێ ره‌سه‌نێ ئێزدیان ئه‌م پشته‌ڤانیا لیستا 190 یا پارتى دیموكراتى كوردستان دكه‌ین.
سه‌رۆكێ بنگه‌هێ لالش گۆتژى: پارتی خودان ئەزموون و سەربۆرەکا دوور و درێژ یا دبلۆماتکاری و بەرەنگاربوونێ، لەورا سەرکەفتنا پارتی رامانا ب هێزبوونا باوەریا هەمى پێکهاتێن کوردستانێیە ژبۆ پێشڤەچوونا حوکمڕانیا کوردستانێ بەرەف کۆپێن جێبه‌جێکرنا هیڤی و ئۆمێد و بەخشینا ئارامیێیە بۆ جانێ پاکێ جانگۆریا.
بڕیارە هەڵبژارتنێن خۆلا شەشێ يێن پەرلەمانێ کوردستانێ ل 20ى تشرینا ئێكێ يا ئيساڵه، ب سەرپەرشتیا کۆمیسیۆنا بلندا سەربەخۆیا هەڵبژارتنێن عيراقێ ب ڕێڤەبچن.