سه‌ما
مه‌حما خه‌ليل، ئه‌ندامێ ئەنجوومەنێ نوونەرێن عيراقێ راگەهاند، هێشتا سندۆقا ئاڤادانكرنا شنگالێ نه‌هاتيه جێبه‌جێكرن و ب پرسه‌كا سياسى هاتيه كرن.
مه‌حما خه‌ليل، ئه‌ندامێ ئەنجوومەنێ نوونەرێن عيراقێ ل سه‌ر فڕاکسیۆنا پارتی دیموکراتی کوردستان بۆ سه‌ما گۆت: دپڕۆژەیاسایا بودجەيا گشتی يا فیدڕاڵدا کو ژلايێ ئه‌نجوومه‌نێ وه‌زيرێن عيراقێ ڤه هاته په‌سه‌ندكرن، گوژمێ 50 مليار ديناران بۆ ئاڤه‌دانكرنا شنگالێ هاتنه ته‌رخانكرن، ئه‌و گوژمێ دراڤى ل سه‌ر داخوازيا ئێزديان بوو، كو سندۆقه‌ك ب ناڤێ شنگالێ بێته دروستكرن بۆ هندێ وى باژێرى دووباره ئاڤه‌دان بكه‌ن.
گۆت ژى: سندۆقا ئاڤادانكرنا شنگالێ بتنێ وه‌كو ناڤ بۆ خه‌لكێ ده‌ڤه‌رێ هاتيه دانان، هێشتا نه‌هاتيه جێبه‌جێكرن و چ كار و پرۆژه ل شنگالێ پێ نه‌هاتينه كرن، به‌روڤاژى ژ وى گوژمه‌ى هنده‌ك ده‌ڤه‌رێن دى پێ هاتينه ئاڤاكرن و ئه‌ڤه ژى غه‌دره‌كا مه‌زنه ل ئێزديان هاتيه كرن.
ل رێككه‌فتى 23ی ئادارا 2023ێ، ئەنجوومەنێ وەزیرێن عيراقێ ب سەرپەرشتیا محەمەد شیاع سوودانی،سەرۆکوەزیرێن عيراقێ کۆمبوو، دوێ کۆمبوونێ دا پڕۆژەیاسایا بوودجەیا گشتی يا فيدرالا عيراقێ بۆ سالێن 2023، 2024 و 2025 هاته پەسه‌ند کرن، گوژمێ 50 مليار دينارێن عيراقى بۆ ئاڤه‌دانكرنا شنگالێ تێدا هاتنه ته‌رخانكرن.