سەرۆکوەزیران مه‌سرور بارزانی ده‌ربارەی چەند پرسێن گرنگ به‌رسڤا خه‌لكى دده‌ت
سه‌ما
سەرۆکوەزیرێ هەرێما کوردستانێ د هەڤپەیڤینەکا تایبەت دا دگەل خەلکێ سنۆرێ پارێزگەها سلێمانییێ بەحس ل پرسێن گرنگێن وه‌ك مووچە، کێشەیێن د ناڤبەرا حکومەتا هەرێم و ئیراقێ، کۆچکرنا گەنجان، دەلیڤەیێن کاری و هەژمارەکا دی یا بابەتان کر.
دماوێ کابینەيا نه‌هێ يا حکومەتا هەرێما کوردستانێ دا، سەرۆکوەزیران بارزانی چەندین جاران ل گەڵ وه‌لاتيێن ده‌ڤه‌رێن جیاوازێن هەرێما کوردستانێ كۆمبوويه،بۆ هايداربوون ل سه‌ر كێشه و گرفتێن وان ده‌ڤه‌ران.
سەرۆکوەزیران مەسرور بارزانی د هەڤپەیڤینێ دا كو به‌شێ ئێكێ هاتيه به‌لاڤكرن،ژنێزيك ڤه گوهـ ل داخوازى و كێشه‌يێن خه‌لكى بوو و به‌رسڤا پرسيارێن وان هاتنه دان.
مەسروور بارزانی، دەربارەی کۆچا گەنجان راگەهاند؛ قاچاخچی تاوانبارێن سەرەکی نە کو گەنج قەستا ژ دەرڤەی وەلاتی بکەن و گۆت: گەنج پارەیەکێ مەزن خەرج دکەن و پرانییا وان ناگەهنە ئارمانجا خۆ و دەما دگەهن پەشیمان دبن و دەست ب پرۆپاگندەیێن سیاسی دکەن.
دەربارەی کەرتێ چاندنێ ژی راگەهاند؛ د کابینەیا حکومەتێ دا گرنگیەکا مەزن ب کەرتێن چاندنێ، پێشەسازی، گەشتیاری و هەموو کەرتێن دی هاتییە دان لێ ئەو یەکە ب شەڤەک و رۆژەکێ ناهێتە کرن و ئاماژە ژی کر: د نها دا جوتیاران زێدەتر قەستا چاندنێ کریە.
سەرۆکوەزیرێ هەرێمێ د هەڤپەیڤینێ دا زانین ژی: ئەو هیڤی خوازە گەنج نها چاڤ ل هندێ بکەن کا دێ چەوا کاری بخۆ پەیدا کەن و حکومەت دێ ئاسانکارییان بۆ پەیدا کەت.
دەربارەی پرۆژەیێ (هەژماری من) ژی مەسروور بارزانی راگەهاند؛ پرۆژە بۆ خزمەتا وەلاتییان هاتیە دروستکرن و و گۆت؛ پرۆژە نە کەسی و سیاسی یە 19 خزمەتگۆزاری د پرۆژەی دا هەنە و ئاماژە کر: ئەو پرۆژە رێگریێ ل برینا مووچەیێ حزبی و سیاسی دکەت.
.