ناڤەندا نووچەیان – سەما
په‌رله‌مانتاره‌كا پارتى ل ئه‌نجوومه‌نێ نوونه‌رێن عيراقێ ئاماژه ب وێ چه‌ندێ دكه‌ت، ره‌زامه‌ندى هاتيه وه‌رگرتن بۆ ئاڤاكرنا قوتابخانه‌يه‌كێ و باخچه‌يه‌كێ زارۆكان ل گوندێ بۆزا.
كاڤين شێخ سه‌عيد، ئه‌نداما ئه‌نجوومه‌نێ نوونه‌رێن عيراقێ راگه‌هاند: وه‌زيرێ په‌روه‌رده‌يا عيراقێ ره‌زامه‌ندى دايه بۆ ئاڤاكرنا قوتابخانه‌يه‌كێ و باخچه‌يه‌كێ زارۆكان ل گوندێ بۆزا، ژبه‌ركو ژمارا ئاكنجيان زێده‌بوويه و پێدڤياتى پێ هه‌يه.
ئه‌نداما ئه‌نجوومه‌نێ نوونه‌رێن عيراقێ دوپاتكر، ئه‌ڤ هه‌ردوو پرۆژه دێ گه‌له‌ك خزمه‌تا وه‌لاتيێن ده‌ڤه‌رێ كه‌ن و دێ به‌رده‌وامبين ل سه‌ر گه‌هاندنا پرۆژه‌يێن خزمه‌تگۆزارى بۆ خه‌لكێ خۆ.
ل گوندێ بۆزا چار قوتابخانێن قۆناغێن بنه‌ره‌ت و ناڤه‌ندى و ئاماده‌يى هه‌نه و دسێ ئاڤاهيان دا قوتابى ده‌وامێ دكه‌ن و ل هه‌ر قۆناغه‌كێ نێزيكى 300قوتابيان هه‌نه.
گوندێ بۆزا سه‌ر ب ناحيا ئه‌لقوش ڤه‌يه و ئاكنجيێن وى هه‌موو ئێزدينه و ب كچك لالش دئێته نياسين.