مەسرور بارزانی هاتنا جەژنا قيامه‌ ل كريستيانان پیرۆز دکه‌ت

ناڤەندا نووچەیان – سەما

مەسرور بارزانی، سەرۆکێ حکومەتا هەرێما کوردستانێ، هاتنا جەژنا قیامە ل كريستيانان پيرۆز دكه‌ت و دوپاتی ل سەر پابەندبوونا هەرێما کوردستانێ بۆ پتر بهێزکرنا که‌لتوورێ پێکڤەژیانێ و تەباییێ د ناڤبەرا پێکهاتەیێن جودایێن کوردستانێ دا كر.

ئيرۆ ئێك شه‌مبوويێ، 5ـی نیسانا 2026، مەسرور بارزانی، سەرۆکێ حکومەتا هەرێما کوردستانێ د پەیامه‌کێ دا، ب هەلکەفتا جەژنا هەستانەڤە (قیامە) یا حەزرەتێ مەسیحی (سلاڤێن خودێ ل سەر بن)، گەرمترین پیرۆزباهیيان ئاراستەی گشت کریستیانێن هەرێما کوردستانێ و عێراقێ و جیهانێ کر.

سەرۆکێ حکومەتا هەرێما کوردستانێ هيڤى خواست، ئەڤ جەژنە ببتە ئەگەرێ ئاشتی و سەقامگیریێ و ب داوی هاتنا شەڕ و نەخۆشییان ل کوردستانێ و دەڤەرێ دا.

دەقێ پەیاما پیرۆزباهييا سەرۆکێ حکومەتا هەرێما کوردستانێ ب هەلکەفتا هاتنا جەژنا قيامه‌:

ب هەلکەفتا جەژنا هەستانەڤە (قیامە) یا حەزرەتێ مەسیحی (سلاڤێن خودێ ل سەر بن)، گەرمترین پیرۆزباهییان ئاراستەی هەموو کریستیانێن هەرێما کوردستانێ و عێراقێ و جیهانێ دکەم. هیڤیدارم ئەڤ جەژنە ببتە ئەگەرێ ئاشتی و سەقامگیریێ و ب داوی هاتنا شەڕ و نەخۆشییان ل کوردستانێ و دەڤەرێ دا.

د ڤێ هەلکەفتێ دا، دوپاتیيێ ل سەر پابەندبوونا هەرێما کوردستانێ بۆ پتر بهێزکرنا که‌لتوورێ پێکڤەژیانێ و تەباییێ د ناڤبەرا پێکهاتەیێن جودایێن کوردستانێ دا دکەینەڤە.

جەژنا وە پیرۆز بت و هەر دەم د خۆشی و ساخلەمیيێ دا بن.

مەسرور بارزانی
سەرۆکێ حکومەتا هەرێما کوردستانێ

2026/4/5