ناڤەندا نووچەیان – سەما
ئیسالە چو ڕێورەسمێن جەژنا سەرێسالێ و توافێن ئێزدییان ژ بەر ڕەوشا نۆکە دەڤەر تێرا دەرباز دبت نائێنە کرن.
جڤاتا جڤاکی یا ئێزدییان ل ناحیەیا باشیکێ، ئیرۆ شەمبوویێ 4-4-2026، کۆمبوونا خۆ یا مەهانە ئەنجامدا و چەند بڕیار ل دۆر جەژنا سەرێسالێ و توافان دان.
ب گۆڕەیی ڕاگەهاندنا جڤاتا جڤاکی یا باشیکێ، د ڤێ کۆمبوونێ دا ژبەر تێکچوونا ڕەوشا ئەمنی یا نۆکە جڤاتێ ب فەرمی بڕیار دا کو هەموو ڕێورەسمێن ئۆلی و ئاهەنگێن جڤاکی یێن ب هەلکەفتا جەژنا سەرێسالێ و توافان ب ئێکجاری بێنە سەکناندن.
هەر ل دۆر ڤێ چەندێ بەیاننامەک هاتە بەلاڤکرن و ب هووری باس ل ڕەوشا ئەمنی و ئالۆزییێن نۆکە هاتە کرن ژبۆ پاراستنا سلامەتیا وەلاتییان.
د پشکەکا دی یا کۆمبوونێ دا ڕاپۆرتا دارایی یا سالا 2025 هاتە خواندن کو تێدا ب هووری داهات و مەزاختیێن جڤاتێ هاتبوونە دیارکرن.