ناڤەندا نووچەیان – سەما
سەرۆک بارزانی دهربارهى ئێريشا ل سەر گوندێ ‘زەرگەزەویى’ ڕاگەهاند، ئیرادەیا گەلێ کوردستانێ ژ هەمی هێرش و لێدان و درۆنان بهێزترە و شەهیدکرنا وەلاتییێن سڤیل یێن هەرێمێ چ شەهامەت و سەربلندی تێدا نینه.
ئيرۆ سێ شەمبوويێ، 7ـی نیسانا 2026، سەرۆک بارزانی د پەیامهكێ دا ئاماژە ب وێ چهندێ دا، “شەڤا بوری دیسان هێرشەکا نەرەوا ل سەر هەرێما کوردستانێ هاتە کرن ب مخابنی ڤە د ئەنجامدا دو وەلاتdیێن بێ تاوان ل گوندێ زەرگەزەویی سەر ب پارێزگەها هەولێر ژ ئەگەرێ درۆنێن ئیرانێ هاتنە شەهیدکرن.”
سەرۆک بارزانی رۆنكر ژى، “ئەڤە ئەوپەرێ تاوانکاریی و زۆلمێ یە، هەڤوەلاتیێن بێ تاوانێن کوردستانێ ب ئەڤی رەنگی بێ هیچ بهانیەیەك دبنە ئارمانجا ڕەقەکا کۆیر.”
د پشكهكا دی يا پەیاما سەرۆک بارزانی دا هاتييه، پرسە و سەرەخوەشیێن خۆ ئاراستەیی مالبات و کەسوکارێن ئەوان دوو شەهیدان دکەم، ژخودایێ مەزن ب بەهشتا بەرین شاد بکەت.
د داوييا پهياما خۆ دا سهرۆك بارزانى ئاماژه كر، شەهیدکرنا وەلاتيیێن سڤیل یێن هەرێما کوردستانێ چو شەهامەت و سەربلندى تێدا نینە، ئیرادەیا گەلێ کوردستانێ ژ هەمی هێرش و زێدەگاڤی و درۆنان ب هێزترە و چجاران ناشکێت. ژ بهركو گەلێ کوردستانێ پشت ب خودێ و ڕەوایەتیا دۆزا خۆ قایمە.