ناڤەندا نووچەیان – سەما
سەرۆکێ حکومەتا هەرێما کوردستانێ ل سالیادا ڕۆژا رۆژنامەگەرییا کوردی، پشتەڤانییا حکومەتێ بۆ ئازادییا کارێ ڕاگەهاندنێ دوپاتکر.
ئیرۆ چارشەمبوویێ، 22ـی نیسانا 2026، مەسرور بارزانی، سەرۆکێ حکومەتا هەرێما کوردستانێ، ب هەلکەفتا ڕۆژا ڕۆژنامەگەرییا کوردی و سالیادا دەرچوونا ئێکەم ژمارە یا ڕۆژنامەیا کوردستان، پەیامەکا پیرۆزباهییێ بەلاڤ کر.
دەقێ پەیاما سەرۆکێ حکومەتێ:
ب ههلكهفتا ڕۆژا ڕۆژنامەگەرییا کوردی و دەرچوونا ئێکەم ژمارەیا ڕۆژنامەیا (کوردستان) ژ لایێ میر میقداد مەدحەت بەدرخان، دگەل سالڕۆژا دامەزراندنا سەندیکا ڕۆژنامەنڤیسێن کوردستانێ، پیرۆزباهییێ ل ههموو ڕۆژنامەنڤیسێن کوردستانێ و ئەندامێن سەندیکا ڕۆژنامەنڤیسان دکەم و هیڤیا سەرکەڤتن و پێشکەفتنا پتر بۆ وان دخوازم.
حکومەتا هەرێما کوردستانێ وەك هەردەم، یا پابەندە ب داکۆکیکرنێ ژ ئازادییا کارێ ڕاگەهاندنێ و ڕۆژنامەڤانییێ و پێشکێشکرنا کارئاسانیێن پێدڤی بۆ ڕاگەهاندنکاران، د هەمان دەمدا هیڤیدارین ڕاگەهاندنکارێن هێژا ژی ل ئاستێ پیشە و ئەرکێ گرنگ یێ ڕاگەهاندنێ بن و ب شێوەیەکێ پیشەیی و بەرپرسیارانە کارێ خۆ ئەنجام بدەن و قانوون و ئێتیك و پیڤهرێن نێڤدەولەتی یێن ڕۆژنامەڤانییێ ل بەرچاڤ بگرن و ڕۆلێ کارایێ خۆ د هۆشیارکرنا جڤاکی و بەرەڤانیکرن ژ دەستکەڤتێن نشتیمانی و کلتوورێ پێکڤەژیانا ئاشتییانە و قەوارێ دەستووری یێ هەرێما کوردستانێ بگێڕن.
ڕۆژا ڕۆژنامەگەرییا کوردی ل هەموو ڕاگەهاندنکارێن کوردستانێ پیرۆز بیت.
مەسرور بارزانی
سەرۆکێ حکومەتا هەرێما کوردستانێ
2026/4/22