ناڤەندا نووچەیان – سەما
ب بزاڤێن بەردەوام یێن پەرلەمانتارێ ئێزدی و نوونەرێ کۆتایا ئێزدییان ل پەرلەمانێ عێراقێ خالد سەیدۆ عزیر، سەرۆکایەتییا پەرلەمانی ب فەرمی لژنەیا ساخلەمییێ ڕاسپارد بۆ ڤەکۆلین و دووڤچوونێ ل دۆر کەیسا ڕووفاتێن قوربانییێن ئێزدی یێن کو هاتینە دەرئێخستن.
دوهی ڕۆژا پێنج شەمبوویێ، 23ی نیسانا 2026، پەرلەمانێ عێراقێ ب سەرپەرشتیا سەرۆکێ پەرلەمانی هەیبەت ئەلحەبوسی ڕوونشتنا خۆ ئەنجامدا، کەیسا ۆووفاتێن گۆڕێن بکۆم یێن ئێزدییان ئێک ژ مژارێن سەرەکی بوو.
د ڕوونشتنێ دا پەرلەمانتار خالد سەیدۆ، چەندین ڕەخنە و داخوازی ئاراستەی سەرۆکایەتییا پەرلەمانی کرن ژ پێخەمەت وێ چەندێ کو زێدەتر خۆ ل کەیسێن گرێدایی ئێزدییان بکەنە خودان و دیار کر کو پتری 11 سالانە ب سەدان ڕووفاتێن قوربانییێن کۆمکوژییا سالا 2014ێ یێن کو ژ ئالیێ داعشێ ڤە هاتینە شەهیدکرن ل نۆژدارییا داد ل بەغدا دناڤ بەفر تەزینکان دا ماینە و ئەڤ چەندە ژی وەک کارەکێ نە دادپەروەرانە وەسف کر.
پشتی ڤان گۆتنان سەرۆکێ پەرلەمانێ عێراقێ ب فەرمی خواست کو لژنەیا ساخلەمییێ ل پەرلەمانی بێتە ڕاسپاردن دا کو ب زووترین دەم دووڤچۆنا ڤی بابەتی بکەن و کار بۆ ڤەگەڕاندن و ب خاکسپاردنا وان ڕووفاتان ب ڕێورەسمێن شایستە بێتە ئەنجامدان.