ناڤەندا نووچەیان – سەما
ڕۆژا شەمبوويێ، 2ی ئهیارا 2026، ل پیرمام، سەرۆك مەسعود بارزانی پێشوازی ل عەلی ئەلزەیدی سەرۆك وەزیرێن ڕاسپاردى بۆ پێكئينانا حكومەتا عێراقا فیدڕال و شاندهكێ چارچۆڤێ هەماهەنگیيێ كر.
د کۆمبوونێ دا بەحسێ پێدڤیيا بلەزکرنێ د پێکئینانا حکومەتێدا ل دووڤ ئیستحقاقێن هەلبژارتنان هاتە کرن، هەروەسا پێگیریکرن ب دەمێن دەستووری ڤە.
هەر د کۆمبوونێ دا، سەرۆک بارزانی بەحسێ داوی پێشهاتان کر و دوپاتى ل سەر پێدڤیيا چارەسەرکرنا کێشەیێن هەلاویستی دناڤبەرا حکومەتا فیدڕال و حکومەتا هەرێما کوردستانێ دا کر د چارچۆڤەیێ دەستووری دا.
سەرۆک بارزانی ئەو چەندە ژی دیار کر، کو بجهئینان و پێگیریکردن ب دەستووری چارەسەریا سەرەکییە و داخواز ژی کر ژ پێخەمەت سەقامگیریيا وەلاتی هەموو لایەک پێگیر بن ب دەستووری ڤە.
د پشکەکا دی یا کۆمبوونێ دا، عەلی ئەلزەیدی سەرۆک وەزیرێ ڕاسپاردی بۆ پێکئینانا حکومەتا عێراقا فیدڕال، دوپاتى ل سەر پێدڤیيا دەربازکرنا بابەتێن نەرێنی یێن بۆری و ڤەکرنا لاپەڕەکێ نوو یێ پەیوەندیێن ناڤبەرا حکومەتا فیدڕال و حکومەتا هەرێما کوردستانێ دا کر، هەڤدەم دگەل شاندا هەڤال داخواز کر کو کوتلا پەرلەمانی و حکومی یا پارتی دیموکراتی کوردستان بۆ پشکدارییەکا چالاکانە د پرۆسەیا سیاسی و پێکئینانا حکومەتا فیدڕالدا بزڤرنە بەغدا.
