ناڤەندا نووچەیان – سەما
سهرهڕای دهربازبوونا چەندین سالان ب سهر جينۆسايدا ئێزدييان دا، ههتا نۆكه 95 گۆڕێن بکۆم يێن قوربانييێن ئێزدييان ل شنگالێ هاتينه ديتن و ب تنێ 77 گۆڕ هاتينه ڤهكرن.
سێ شهمبوويێ، 5ـى ئهيارا 2026، خێرى عهلى، بهرپرسێ رێكخراوا پهتريكور بۆ مافێ مرۆڤى ل شنگالێ بۆ سهما ڕاگههاند: پشتى ڕێكخراوا داعش يا تيرۆرستى ل سالا 2014 ئێرشى قهزا شنگالێ كرى، ب سهدان وهلاتى گرتن و د گۆڕێن بكۆم دا گولـلهباران كرن، ههتا نۆكه 95 گۆڕێن بکۆم يێن قوربانييێن ئێزدييان هاتينه ديتن.
ههروهسا ئاماژه ب وێ چهندێ دا، د ناڤ وان گۆڕێن هاتینە ڤەکرن دا، 857 ڕوفات هاتینە دەرێخستن و ڕەوانەی نۆژداریيا داد ل بەغدا هاتینە کرن بۆ پشکنینێن(DNA).
بهحس ل وێ چهندێ ژى كر، هەتا نۆکە 296 ڕوفات ب فەرمی هاتینە ناسین، بەلێ چارەنڤیسێ 561 ڕوفاتێن دی هێشتا ل بەغدا نەیێ دیارە و پڕۆسەیا ناساندنا وان ب سستی برێڤە دچت.
خێزانێن قوربانیيان ب دلهكێ پر خهم و شكهستى ڤه، هێشتا چاڤهڕێى ئەنجامێن پشکنینان، ب هیڤييا وێ چهندێ بكارن چارەنڤيسێ كهسێن خۆ بزانن.
ل سێی تەباخا 2014، داعش ئێرش کرە سەر قەزا شنگال و دەڤەرێن دەوروبەر، کو بوو ئەگەرێ جینۆسایدکرنا هەزاران کەسان و ڕەڤاندنا ب ههزاران ژن و زاڕۆکێن ئێزدی.