سهما
گرۆپێ “ئهزدا” يێ میۆزيكێ يێ ئێزدييان پشكدارييهكا بهرچاڤ و كهیفخۆش د فهستيڤالا شهلوشهپكان دا ل باژارێ زاخۆ ئهنجامدا، و ب چهندین ستران و ئاوازێن ڕهسهن یێن دهڤهرێ دیمهنهكێ جوان یێ پێكڤهژیانێ و پاراستنا كهلتووری نیشا ئامادهبوویان دا.
ئهندامێن گرۆپێ ئهزدا ب جلكێن كوردی یێن ڕهسهن ئامادهبوون و دهست ب پێشكێشكرنا سترانێن فۆلكلۆری یێن وهك “شهملانێ” و چهندین تهرزێن دی یێن گۆڤهندێ كرن. ئهڤ پێشكێشكرنه بوو ئهگهرێ ڕاكێشانا بال و سهرهنجا ههموو پشكداربوو و مێهڤانێن فهستيڤالێ.
ئهڤ جۆره چالاكییه د چارچۆڤێ بزاڤێن جودا دا دئێن بۆ زندیكرنا كهلهپوور و فۆلكلۆرێ دهڤهرێ، و پهيامهكا گرنگ ددهن ل دۆر ڕوولێ میۆزیكێ د ناڤبهرا جڤاكان دا.