ناڤەندا نووچەیان – سەما
میر حازم تەحسین سەعید بهگ، میرێ ئێزدیيان ل كوردستان، عێراقێ و جیهانێ و سەرۆکێ جڤاتا ڕۆحانی یا بلند یا ئێزدیيان، پەیامەکا سەرەخۆشی و هەڤخەمیيێ ڕابهرى جیهانا ئیسلامی و مەرجەعێن بلند یێن ئۆلى کر ب هەلکەفتا بیرهوهرييا عاشوورایێ.
ميرێ ئێزدييان د پهياما خۆ دا، بیرهاتنا بهایێن مرۆڤاتی یێن بلند و وانەیێن کوور یێن سەبر و قوربانیدانێ کر، ئەوانێن کو ئیمام حسێن (سلاڤێن خودێ ل سەر بن) د ڕوودانا دلتەزین یا کەربەلایێ دا بەرجەستەکرین.
میرى د داويیا بروسکەیا خۆ دا داخواز کر کو ئەڤ بیرهاتنە ببتە هەوێن وەرگرتنا وانەیان بۆ بهێزکرنا بهایێن پێکڤەژیان و لێبۆرینێ، و دوعا ژ خودێ خواست کو سەقامگیری و تەناهى ل سەر عێراقێ و دەڤەرێ دا بهرقرار ببت.