ناڤەندا نووچەیان – سەما
جڤاتا وەزیرێن هەرێما کوردستانێ کێمترین مووچەیێ خانەنشینیا کرێکارێن کەرتی تایبەت ب 500 ههزار دیناران دیارکر.
ئيرۆ کوێستان محەمەد، وەزیرا کار و کاروبارێن کۆمەلایەتی يا حکومەتا هەرێما کوردستانێ ڕاگەهاند، جڤاتا وەزیران پێشنیازا زێدەکرنا کێمترین مووچەیێ خانەنشینیيا کرێکارێن کەرتی تایبەت پەسەندکر.
ل دووڤ ڤی بڕیارا نوو، هەر ژ نهۆ و پێڤە چو کرێکارێن خانەنشینکرى د کەرتێ تایبەت دا مووچەیێ وان ژ 500 ههزار دیناران کێمتر نابت.
ئەڤ پێنگاڤا حکومەتا ههرێما كوردستانێ وەک پشکەک ژ پرۆسەیا چاکسازیيێ د یاسایا خانەنشینێ و دەستەبەریا کۆمەلایەتی دا دئێتە دیتن، کو ئارمانجا وێ یا سەرەکی باشترکرنا بژێویا ژیانا کرێکاران و هاندانا پتر یا گەنجانە بۆ کارکرنێ ل کۆمپانیيان و پڕۆژەیێن کەرتێ تایبەت دا.