ناڤەندا نووچەیان – سەما
رێڤەبەریا گشتی یا کاروبارێن ئێزدیان، رێڤەبەریيا کاروبارێن ئێزدیان ل دهۆکێ، خۆلەکا دو ڕۆژى يا تایبەت يا گرێدایى دیرۆک و ئۆلا ئێزدیان بۆ هژمارەکا قەولبێژ و ئۆلداراێن ئێزدیان ڤەکر.
ل رۆژا ئينيێ، 24-7-2026، ڕێڤەبەریيا گشتی یا کاروبارێن ئێزدیان، ڕێڤەبەریيا کاروبارێن ئێزدیان ل دهۆکێ، ب ئامادهبوونا سهماحهتا بابێ شێخ و ژمارهكا ئۆلدار، قهولبێژ و زانايێن ئۆلى يێن ئێزديان و سعود مستۆ، رێڤهبهرێ گشتى و جهعفهر سمۆ، ڕێڤەبەرێ کاروبارێن ئێزدیان ل دهۆکێ، خۆلەکا تایبەت يا گرێدایى دیرۆک و ئۆلا ئێزدیان بۆ هژمارەکا قەولبێژ و ئۆلداراێن ئێزدیان ل هۆلا كۆچكا مێڤانداریيا ل پهرستگهها لالش يا پيرۆز ڤەکر.
ل دهستپێكێ پهيڤا بخێرهاتنێ ژ ئالييێ جهعفهر سمۆ، ڕێڤەبەرێ کاروبارێن ئێزدیان ل دهۆکێ هاته پێشكێشكرن و تێدا بخێرهاتنا ههموو مێڤانان كر و دياركر كو ئهڤه پێنگاڤا ئێكێ يه و سوپاسييا ڕێڤهبهرييا گشتى و وهزارهتا ئهوقافێ كر بۆ پشتهڤانييا وان بۆ ڤان جۆره خۆلان، ئاماژه كر كوئێك ژ ئارمانجێن سهرهكى يێن كابينهيا جهنابێ كاك مهسرور بارزانى، سهرۆكێ حكومهتا ههرێما كوردستانێ خزمهتا ههموو پێكهاتهيێن گهلێ كوردستانێ بكهت.
پاشان سعود مستۆ، ڕێڤەبەرێ گشتی یێ کاروبارێن ئێزدیان د پهيڤهكێ دا سلاڤێن جهنابێ د. پشتيوان سادق، وهزيرێ ئهوقاقێ گههاندنه ههموو ئامدهبوويان و تێدا سوپاسييا جهنابێ میر حازم تەحسین بەگ، میرێ ئێزدیان کر کو ڕەزامەندی دای ئەڤ قەولبێژ و زانایێن ئۆلی ل هەڤ ب جەمیێن بۆ ڤێ گەنگەشێ و ئەڤ ڕوونشتنا پر مفا بۆ ئێزدیان چێ بت و تهرخانكرنا هۆلا كۆچكا مێڤاندارييا ل پهرستگهها پيرۆزا لالش و ديار ژى كر، وهكو ڕێڤهبهرييا گشتى دێ د بهردهوام بن بۆ پشتهڤانيكرنا ڤان جۆره خۆلان.
ل دووڤدا د. ئهرشهد حهمهد، مامۆستايێ زانكۆيێ بهحس ل ديرۆك و قۆناغێن ژيانا ديرۆكا ئێزديان بۆ ئامادهبوويان كر، پاشان گهنگهشه دناڤبهرا ئامادهبوويان دا هاته ڤهكرن.
ههر د ڤێ جڤينێ دا، سهماحهتا بابِێ شێخ دهستخۆشى ل ڕێكخهرێن ئهڤێ خۆلێ كر و داخواز كر ئهڤ جۆره خۆله د بهردهوام بن.
ههر ل دووڤ بهرنامهيێ خۆلێ، ل ڕۆژا شهمبوويێ و د ڕۆژا دوێ يا خۆلێ دا، دێ چهندين ڕوونشتنێن ڤهكرى گرێدايى ئهدهب و ميتۆلۆژييا ئێزديان ئێنه ساز كرن، ئهو ژى د. كۆڤان ڕيسان حهسهن دێ بهحس ل شرۆڤەکرنا قەول وبەیتێن ئۆلى و مامۆستا خدر دۆملى دێ بهحس ل سهردهرييا ئۆلداران ل گهل ڕاگههاندنێ كهت.
پاشان سعود مستۆ، ڕێڤهبهرێ گشتى دێ بتر بهحس ل گرنگييا ڤێ خۆلێ و ئارمانج و ئالييێن پرۆتۆكۆلى ڕۆن كهت.
ل داوييا خۆلێ، جهعفهر سمۆ، رێڤهبهرێ كاروبارێن ئێزديان دێ ڕێڤهبهرييا ڕوورنشتنهكا ڤهكرى كهت، بۆچۆن و پيشنيارێن قهولبێژان بۆ پێشهرۆژێ چنه دێ ل بهرچاڤ ئێنه وهرگرتن و مفاى ژێ وهرگرن.