ناڤەندا نووچەیان – سەما
سهنتهرێ گهنجێن دهۆلا بانگهوازييهكا بلهز ئاراسته كر ژ بۆ كێمكرنا ڕوودانێن هاتنوچۆنێ ل دۆريانا دهۆلا یا ڕۆژههلاتى، دووپاتكر كو ئهڤ ڕێيه بوویه مهترسیيهكا ڕاستهقینه ل سهر سلامهتیيا ههموو كهسان.
ئهڤ بانگهوازييه پشتی ڕوودانهكا نوو یا هاتنۆچوونێ دوهى ل ڕۆژا ئينيێ هات، كو خێزانهك ب موعجيزه ژێ ڕزگار بوو، سهنتهری ل سهر وێ ڕوودانێ گۆت: “ئهم ل هیڤیيا ڕوودانا كارهساتێ نینين –خودێ نهكهت– دا كو دهست ب لڤینێ بكهین.”
سهنتهرێ گهنجێن دهۆلا جارهكا دى دوپاتى ل بجهئینانا دهستپێشخهرييهكا بلهز كر دا كو دو تهسه بێنه چێكرن، و دو نيشانێن ئاگههداركرنێ بێنه دانان ژ بۆ كێمكرنا لهزاتیيێ و پاراستنا خهلكێ.
ههروهسا سهنتهری دهرگههێ پشكدارى و بهخشینێ بۆ ههموو خهلكێ دهڤهرێ و خێرخوازان ڤهكر، چ هاریكاری یا دارایی بت یان ژى ب دابینكرنا كهلوپهلان ب شێوهكى راستهوخۆ بۆ چێكرنا تهسايان.
د داويیا بانگهوازييا خۆ دا، سهنتهری بانگ ل جڤاكێ كر و گۆت:”بلا ئێك دهست بين ژبۆ پاراستنا ڕێيێن زاڕۆك و خێزانێن مه بهری كو وهخت بچت.”
دوهى 3ـى تهمموزا 2026، ل کۆمەلگەها دهۆلا یا سەر ب قەزایا شنگالێ ڕوودانەکا هاتنوچۆنێ د ناڤبهرا دو ترۆمبێلان دا پهيدا بوو، د ئهنجامدا 11 کەس برینداربوون و هاتنە ڤەگوهاستن بۆ نەخۆشخانەیا ناحیەیا سنوونێ.
د ئيساله دا چهندين ڕوودانێن هاتنوچۆنێ ل دهڤهرێن جودايێن قهزا شنگالێ پهيدا بووينه و چهندين كهسان گيانێ خۆ ژ دهست دايه.