ناڤەندا نووچەیان – سەما
ب چاڤدێرييا نڤيسينگهها مهسرور بارزانى، سهرۆكێ حكومهتا ههرێما كوردستانێ، سبهى ڕۆژا ئێكشهمبێ 11ـى تهمموزا 2026، دێ دهست ب دابەشکرنا مينحهيا دارايى ب سەر ڕزگاربوويێن ئێزدی ژ دەستی داعشێ ئێته كرن.
ل دووڤ خشتهيێ هاتييه بهلاڤ كرن، سبهى ل قهزا شێخان دێ دهست ب دابهشكرنا مينحهيا ههيڤا چار بۆ ڕزگاربوويێن ئێزدی ژ دەستی داعشێ ئێته كرن، كو ههتا نهۆ سێ ههزار و 590 كهس ژ ئهوێ مينحهيێ مفادار بووينه.
پڕۆسە ل ژێر چاڤدێریيا هوور يا نڤيسینگەها مەسرور بارزانی، سهرۆكێ حكومهتا ههرێما كوردستانێ و ب ڕێيا بنگههێ لالش ل دهۆكێ ب ڕێڤهدچت.
ئهڤ پڕۆژەیە ماوەیێ دو سالانه ب شێوەیەکی ڕێکوپێک بەردەوامە و بێى چو کێشە و ب شێوەیەکی شەفاف، مينحهيا ب ڕزگاربوويان دئێته دان.
ب گۆڕەیى ئەوى خشتەیێ هاتييه دانان، ل ڕۆژا ئێكشهمبێ، 12ـی تهمموزا 2026 ههتا ڕۆژا چارشهمبێ، 14ـی تهمموزا 2026، مينحه ل قهزا شێخان، ناحيهيا خانكێ، كۆمهلگههێن شاريا و دێرهبوونێ دێ ئێته دابهش كرن.
جهێ ئاماژێ يه، حکومەتا هەرێما کوردستانێ ب ڕێيا نڤيسینگهها مەسرور بارزانی، سهرۆكێ حكومهتێ بەردەوام د بزاڤێن پشتهڤانيكرنا ئاوارە و ڕزگاربوويێن ژ دەستێن تیرۆرستێن داعشێ دایە، ب تایبەت پێکهاتەیێ ئێزدی، ب مەرهما سڤككرنا بارگرانیا سەر ملێ وان و دابینکرنا پێدڤييێن دهستپێكى يێن ژیانا وان.