ناڤەندا نووچەیان – سەما
سەرۆك مەسعود بارزانی پێشوازی ل ڕادو بوتوم، بەرپرسێ نڤیسینگەها پەیوەندییێن ئێكهتییا ئەورۆپا ل هەرێما کوردستانێ کر.
بارەگههێ بارزانی بهلاڤ كر،ئيرۆ شەمبوويێ، 22ـى تهباخا 2026، سەرۆک مەسعود بارزانی پێشوازی ل ڕادو بۆتۆم، بەرپرسێ نڤێسینگەها پەیوەندیێن ئێکەتییا ئەوڕۆپا ل هەرێما کوردستانێ کر، ب مەرەما دویماهیک هاتنا ئەرکێن خوە سەرەدانا وی کربی.
د دیدارەکێ دا بەرپرسێ نڤێسینگەها ئێکەتییا ئەوڕۆپا پیرۆزباهی ل ڕێزدار سەرۆک بارزانی کر ب هەلکەفتا وەرگرتنا نیشانا بلند یا پاپایێ ڤاتیکان، و ڕۆلێ مێژوویی یێ ڕێزدار سەرۆک بارزانی د پاراستنا مافێن پێکهاتەیان و کویرکرنا فەرهەنگا پێکڤەژیان و تەباییێ ل کوردستان و عێراقێ ب بلند ڕاگرت.
ژ لایێ خوەڤە ڕێزدار سەرۆک بارزانی ژی تەکەز ل سەر پاراستن و کویرکرنا ئەڤێ فەرهەنگا دەولەمەند یا پێکڤەژیانێ کر، و دەستخوەشی ل ئەرک و ماندیبینا بەرپرسێ نوینەرایەتییا ئێکەتییا ئەوڕۆپا کر و هێڤیا سەرکەفتنێ بۆ خواست.
هەروەسا مەترسی و دەرفەتێن ل بەرامبەر عێراق و دەڤەرێ بگشتی و پڕۆسەیا سیاسی ل هەرێما کوردستانێ تەوەرەکێ دی یێ کۆمبوونێ بین.