ناڤەندا نووچەیان – سەما
بنگههێ لالش ل دهۆكێ د سالڤەگەڕا 38 یا شالاوا ئەنفالێن بەهدینان دا پهيامهك بهلاڤ كر و تێدا داخوازا قەرەبووکرنا قوربانییێن ئەنفال و جینۆسایدان کر، داكو جارەکا دی تاوانێن وەسا بەرامبەر گەلێ مە دوبارە نهبنەڤە.
د پهياما بنگههێ لالش دا هاتييه:
ب رێز ڤه یادا قوربانیێن ڤێ تاوانا مهزن و هۆڤانهیا رژێما بهعس یا ژناڤچۆیی ل عیراقێ دکهین، ئارمانجا وێ رژێم قڕکرن و جینۆسایدکرنا گەلێ کوردستانێ بوو ب گشت پێکهاتێن ڤە.
ل داویین قوناغا پرۆسەیا ئەنفالێ دا و خەلکێ بێتاوان و پێکهاتێن دەڤەرێ رووبەڕووی گرتن، بهرزهكرن و ڤهگوهاستنێ بوون، ل ڤێ تاوانا مەزنا جینۆسایدێ دا، پتر ژ 182,000 وەلاتیێن بێگونەهـ بوونە قوربانی و د گۆڕێن ب کۆم دا هاتنە ڤهشارتن، هەروەسا پتر ژ 4,500 گوندێن کوردستانێ و سەدان گوندێن دەڤەرا بههدینان ب تەمامی هاتنە وێرانکرن و جهێن دیرۆکی هاتنە ژناڤبرن، ب دەهان هەزار وەلاتی ژی ئاوارە و دەربەدەر بوون.
ئەم د ڤێ هەلکەفتا خەمگین دا دووپاتیێ دکەین کو تەڤایا تاوانێن رژێما بەعس—ژ کۆمکوژیا بارزانیان تا دگەهتە تاوانێن ئەنفالێ و کۆمکوژیا شنگالێ هەموو تاوانێن جینۆسایدێ نه و ل دژی مرۆڤایەتیێ نە و قەت ناهێنە ژبیرکرن.
پێتڤیە دەولەتا عیراقێ ب جینۆساید دانپێدانێ پێ بکت و کەسوکارێن شەهیدان و زیانپێكهفتیان قەرەبوو بکەت، داكو جارەکا دی تاوانێن وەسا بەرامبەر گەلێ مە دووبارە نابنەڤە.
سەری ڕێز و نهوازشێ بۆ گیانێ پاکێ شەهید و ئەنفالکریێن بههدینان و تەڤایا شەهیدێن کوردستانێ د چهمینین
بنگەهێ لالش یێ ڕەوشەنبیری و کۆمەڵایەتی
25ـی تهباخا 2026ـێ