دلێ من ئی گەشە
لێبۆرین هەر تشتە
لناڤبەرا مەدا ئەڤینی یە
کۆکا مە بهەڤرا نووژەنی یە
سەرکەڤم سەر ئیسرا قوت
بەلاڤکەم دەهن و خۆیێ
بزرێ قەندیل و چرا
نابێژن خواستەکە ژبەلنگازی یە
وەکی گونەهبارا ملکەچ بویە
چاڤ شکەستی و دەڤ گرتیە
ما ئەزی گێژم ؟
دوور نەبە ژمن نها تاریە
زادێ زارۆکا دابین بکەم
تو نان پێژا مەی
ماڵێ ئاڤا دکەی
بگول بەیبونا دخەملینی
پەیڤێن شێرین دوەشینی
فێر دکەی زارۆکا بئەڤینی
ڤینا ئاخ وئاڤ ودار و بەری
لێ ژهناڕە ….!
تەڤ گۆتن رەشن!
ئەو زك شینن !
مەژی هشکن!
مرۆڤا دێشینن!
هەکە بەرسڤ بە!
خۆزیا من دایکا من بو بینم
خۆ شرینکەم لبەر لنگا
خەونێت سپی دبینم
تەنێ گوڵ ورحانا بچینم
ئەزبوم زارۆكێ سێوی برسی
تو ژی وەک من بووی باسی
دا دەستا بدەن هەڤ براستی
داخویانی و شرۆڤەکرن نابە راستی
ل تە دگەرێم !
دلۆڤانیا خودێ دبینم
لدلۆڤانیێ دگەرێم تە دبینم
سەما دگەرینم
بێهنا نێرگز و بەیبوونا بڕژینم
بشال وشەپکا و کوم و کۆلۆزا
بەژنا من پڕ رەنگە لێ کاربینم
دلێ من هەر گەشە
ترسم نەدۆمینە خوەشیا دنێ!
رێیا تەمەن ل جیهانێ
هۆزانێن ئەڤینێ
خۆزی مە کاریبا بترین….
بترین …. ببەخشین
سەرکەفتنە لێبۆرین..
لێبۆرینا بگرنژین ….
بزانە هەموو دێ مرین…
