ناڤهندا نووچهیان – سهما
دوازده سال ب سهر جينۆسايدا ئێزدييان دهربازبوون. ههتا نهۆ ئاوارهيێن شنگالێ ژ وارێ خۆ دوورن و ئێخسيرێن ئێزدييان بێسهروشوونن.
خاتێ شنگالى، ئهفسهرا هێزێن پێشمهرگهى بۆ سهما ئاماژه ب وێ چهندێ كر، پشتی 12 سال ب سهر جينۆسايدا ئێزدييان ڕا دەربازبووین، هەتا نهۆ كهسهك نهمايه تراژيدييا ئێزدييان و دەنگێ چیایێ شنگالێ نەبیهستى، ئەو کچ و ژن و زاڕۆکێن هاتینە کوشتن، کۆمکوژیکرن و ئێخسیر بووين. هەتا نهۆ ئێخسیرێن مە ڤەنەگەڕیاينە.
گۆتژى: ئەم د وەلاتێ خۆ دا ئاوارە، کۆچبەر و پەنابەرين و ژ جڤاكێ نێڤدەولەتی دخوازين جینۆسایدا ئێزدييان بەرچاڤ وەربگرن.
خاتێ شنگالى بهحس ل وێ چهندێ كر، ژ حکومەتا عێراقێ و حکومەتا هەرێما کوردستانێ دخوازين بببنه ئێك دەست و ئێك برا و ئێخسيرێن مه يێن ماين بێنه ڕزگاركرن.
شنگال کو ناسنامهيا وێ کوردستانی یە؛ ل ڕۆژا 3ـى تهباخا 2014 کەڤتە بەر هێرشا تيرۆرستێن داعشێ و باژێر داگیرکر. تيرۆرستان ژبلى ئەنجامدانا كۆمكوژیيێ ل باژێرى، بتر ژ 6 ههزار وهلاتييێن سڤیل کو بتريا وان كچ و ژن و زاڕۆك بوون ڕهڤاندن.
ل ڕۆژا 13-11-2015، ھێزێن پێشمەرگە د ئۆپەراسیۆنهكێ دا ب سەرپەرشتييا سەرۆك بارزانی شنگال ژ دەستێ تيرۆرستێن داعشێ ڕزگاركر.