ناڤەندا نووچەیان – سەما
جڤاتا وەزیرێن عێراقێ دەنگ ل سەر پەسەندکرنا پرۆژە یاسایا تاوانێن نێڤدەولەتی، تاوانێن کۆمکوژیێ (جینۆساید)، تاوانێن دژی مرۆڤاتیيێ و تاوانێن شهڕى دا، پشتی پێداچۆن ژ لایێ جڤاتا دەولەتێ ڤە هاتیيە كرن، و ب گۆڕەیى برگهيێن دەستووری بۆ جڤاتا نوونەران هاتە ڕەوانەکرن.
د ڤى وارى دا، د.خهلهف شنگالی، شێوهرمهندێ سەرۆكێ حكومهتا عێراقێ بۆ کاروباریێن ئێزدييان و ئێک ژ پشکدارێن دارشتنا پرۆژەیى ڕاگههاند، پەسەندکرنا ڤێ یاسایێ پێنگاڤەکا ستراتيژى يه بۆ بهێزکرنا سیستەمێ دادوەری ل عێراقێ. و ڕۆنکر ژی کو یاسا دێ ڕێ دەتە دووڤچۆنا ئەنجامدەرێن تاوانێن نێڤدەولەتی ب دروستی و دادگەهکرنا وان ب گۆڕەیى پێناسەیێن یاسایی یێن نێڤدەولەتی یێن پەسەندکری بۆ وان تاوانان.
شنکالی زێدەتر گۆت: “پرۆژە یاسا، پشتی وەرگرتنا باوەریا پەرلەمانی و چۆنا وێ د چارچۆڤێ بجهئينانێ دا، دێ ڕێيهکا یاسایی ڤەکەت بۆ دادگەهکرنا چەکدارێن ڕێکخراوا داعش يا تیرۆرستی ل سەر تاوانێن کۆمکوژیيێ(جینۆساید) و پێشێلکاریێن دژوار یێن دی.”
شێوهرمهندێ سەرۆكێ حكومهتا عێراقێ ئاماژه ب وێ چهندێ دا، دادگەهکرن ب گۆڕەیى ڤێ یاسایێ دێ ل سەر بنەمایێ بەلگە و ڕاستیيێن مەیدانی یێن بەستى ب تاوانێن کۆمکوژیێ، تاوانێن دژی مرۆڤاتیيێ و تاوانێن شهڕي بت، لەوا بتنێ ب دووڤچۆنا توهمەتباران ب گۆڕەیى یاسایا بهرهنگاربوونا تیرۆرێ و “مادا 4 يا تیرۆرێ” ناکەت، کو ئهڤه ڕەهەندەکێ نێڤدەولەتی و دادپەروەریيەکا مەزنتر ددەتە قوربانیيان.
يُذكر أن مجلس الوزراء عقد جلسته الاعتيادية السادسة عشرة برئاسة رئيس المجلس، علي فالح الزيدي أمس الاثنين 24 آب 2026، حيث جرى ناقش الأوضاع العامة في البلاد، وصدرت جملة من القرارات التي شملت المجالات الاقتصادية والزراعية والمالية، إلى جانب إقرار مشروع قانون الجرائم الدولية.
جڤاتا وهزيران کۆمبوونا خۆ یا ئاسایی یا شازدێ ب سەرۆکاتيیا سەرۆکێ جڤاتێ، عهلی فالهح زهیدی دوهى دوشەمبێ 24ـى تهباخا 2026 ئەنجامدا، کو تێدا بەحس ل ڕەوشا گشتی یا وەلاتی هاتە کرن، و کۆمەکا بڕیاران ل بوارێن ئابۆری، چاندن و دارایی هاتنە دهركرن، سەرەڕای پەسەندکرنا پرۆژەیاسایا تاوانێن نێڤدەولەتی.