ناڤەندا نووچەیان – سەما
رێڤەبەرییا گشتی یا ڕێک و پران و ئاڤەدانکرن و نیشتەجێکرنێ ل پارێزگەها دهۆکێ بهرههڤيا خۆ نيشان دا بۆ سهخبێركرن و نووژهنكرنا رێكێن مهزارگههـ و جهێن پيرۆزێن ئێزدييان.
رێڤەبەرييا گشتی یا کاروبارێن ئێزدیيان بهلاڤكرييه، ژ بۆ بتر خزمەتکرنا جهێن پیرۆز، سعود مستۆ، رێڤەبەرێ گشتی یێ کاروبارێن ئێزدیيان و جەعفەر سمۆ، رێڤەبەرێ کاروبارێن ئێزدیيان ل دهۆکێ، سەرەدانا رێڤەبەرییا گشتی یا رێک و پران و ئاڤەدانکرن و نیشتەجێکرنێ ل پارێزگەها دهۆکێ کر.
د ديدارێ دا و ب ئامادەبوونا ئەندازیار شێرزاد قادر، رێڤەبەرێ گشتی یێ ڕێک و پران ل دهۆکێ، ڕێڤەبەرێ گشتی یێ کاروبارێن ئێزدیان تەکەزی ل سەر پێدڤییا سەخبێرکرن و نووژەنکرنا ڕێکێن مهزارگەهـ و جهێن پیرۆزێن ئێزدیيان کر.
ژ ئالییێ خۆ ڤە، ئەندازیار شێرزاد قادر پشتەڤانيیا خۆ دیارکر و ڕاگەهاند، ب گۆڕەیى شیانان دێ هەموو هاریکارییان پێشکێش کەن دا کو ڕێکێن ڤان جهێن پیرۆز ب باشترین شێوە بێنە نووژەن کرن.