ناڤەندا نووچەیان – سەما
حکومەتا هەرێما کوردستانێ رهزامەندی ل سەر جێبەجێکرنا پرۆژەیەکێ ستراتیژی یێ ئاڤێ ل شێخان دا، کو ئارمانج ژێ دابینکرنا ئاڤا ڤەخوارنێ یە بۆ سەنتەرێ قەزایێ، 5 ناحیەیان و 190 گوندان.
ل دۆر ڤى پرۆژهيى قایمقامێ قهزا شێخان سەردار شێخ یەحیا بۆ سهما گۆت: قۆناغا ئێكێ يا پرۆژهيێ ستراتيژى يێ ئاڤێ ل قهزا شێخان دهست پێ كرييه و پرۆژهيهكێ ههره گرنگه بۆ دهڤهرێ ههموويێ، كو ناحيهيێن باعهدرێ، ئهتروش، قهسرۆك، كهلهكچى، زێلكان و سهنتهرێ قهزا شێخان و ههموو كۆمهلگههـ و 190 گوندان بخۆڤه دگرت.
قایمقامێ قهزا شێخان دبێژت: وهكو قۆناغا ئێكێ ديزاينا پرۆژهيى هاتييه چێكرن، پاشان قۆناغا دويێ تهرخانكرنا بوودجهيى يه و يا سێيێ بجهئينانا پرۆژهيى يه.
سهردار شێخ يهحيا راگههاند، بجهئينانا ڤی پرۆژەيى، کێشەیا کێم ئاڤیيێ ل دەڤەرێ دێ چارەسەر بت و خزمهتا خهلكێ دهڤهرێ كهت.
دوپاتكر، ل سهردهمێ كابينهيا نههێ يا حكومهتا ههرێما كوردستانێ، ب بترى 260 مليار ديناران پڕۆژێن جودا هاتينه بجهئينان ل سنوورێ قهزا شێخان.