ناڤەندا نووچەیان – سەما
ئاوارەیێن شنگالێ ل دهۆکێ ناڤێ خۆ بۆ ڤهگهڕيانێ تۆمار دکەن. گەڕا نههێ یا ڤهگهڕيانا ئاوارە و کۆچبەرێن شنگالێ دەست پێ کریيە و د ڤى چارچۆڤەیى دا، پرۆسەیا تۆمارکرنا ناڤان دەست پێ کریيە.
د ڤێ گەڕێ دا ناڤێ بتر ژ 400 خێزانان دێ ئێتە تۆمارکرن و هەموو ئاكنجييێن کەمپان دکارن ناڤێ خۆ تۆمار بکهن.
ئيرۆ پێنجشەمبێ، 10ـى ئەیلوولا 2026، وارڤین سەباح، بەرپرسێ داتا و زانیاریيان ل رێڤهبهرييا کۆچ و کۆچبەرێن دهۆکێ بۆ کوردستان24 ڕاگەهاند، د هەشت گەڕێن بهرى نهۆ دا دەوروبەرێن 23 هەزار کەسان زڤڕینە شنگالێ و د ڤێ گەڕێ ژی دا بتر ژ 400 خێزانان دێ زڤڕن.
سەباح تهكهز کر، ڤهگهڕيان ب خواستا وان ب خۆیە و چو فشارەک ل سەر ئاوارەیان نینە، هەڤدم ئاسانکاریيێن پێدڤی ژی بۆ وان دئێنە کرن.
سەباح ڕۆنکر ژی، د سێ رۆژێن بۆری دا 172 خێزانان ل کەمپا شاریا بۆ ڤهگهڕيانا شنگالێ ناڤێ خۆ تۆمارکریيە. هەتا نهۆ 18 هەزار خێزان د کەمپان دا و 37 هەزار خێزانێن دی ژی ل دەرڤەی کەمپان ماينە.