ناڤه‌ندا نووچه‌يان – سه‌ما
مەسرور بارزانی، سەرۆكێ حكومه‌تا هه‌رێما کوردستانێ ڕاگەهاند: ئەركێ پەرلەمانتارانە وەفادارى بۆ دەنگێ خەلكێ هەبت، پەرلەمانی كارا بكەن و ئێدى ژ بەرپرسیاره‌تیيێ نەڕەڤن و پەرلەمانى ب ڤی شێوەی نەهێلن.
ئيرۆ سێشەمبێ، 20ـى چريا ئێكێ 2026، مەسرور بارزانی، سەرۆكێ حكومه‌تا هه‌رێما کوردستانێ ل دەمێ ڤەکرنا پرۆژەیێ “جۆراوجۆرییا ژینگەهێ ل کوردستانێ” د داخويانييه‌كا ڕۆژنامەڤانی دا، تیشک خستە سەر چەند پرسێن گرنگ يێن ناڤخۆیی، ژ وان ژی کاراکرنا پەرلەمانێ کوردستانێ.
سەبارەت ب پرسا کاراكرنا پەرلەمانێ کوردستانێ، سەرۆکێ حكومه‌تێ ڕەخنە ژ بایکۆتکرنا روونشتنان گرت و وەک “ڕه‌ڤين ژ بەرپرسیارەتیيێ” وەسف کر. د ڤی ده‌رباره‌يی دا ڕاگەهاند: “ئه‌م ئامادەیینه پەرلەمان بێتە کاراکرن، ئەڤە ئەرك و بەرپرسیارەتییەکا نیشتمانییا هەمووانە، ب تایبەتی ئەندامێن پەرلەمانی یێن ژلایێ خەلکی ڤە هاتینە هەلبژارتن. مافه وەفادارى بەرانبەر دەنگێ وان هه‌بت و ئامادەبن ل پەرلەمانی.”
هەروەسا گۆتژی: “ئەگەر بڤێت ل وێ ده‌رێ به‌حسێ پرۆژەیێن سیاسی ژی بکەن، دئێتە کرن کو ئەو گوتۆبێژ ل پەرلەمانی بێنە کرن. لێ بایکۆتکرنا پەرلەمانی ب ڕاستی ڕmڤينه ژ بەرپرسیارەتیيێ، بێوەفادارى یە بەرانبەر دەنگێ خەلکێ کوردستانێ.”
مەسرور بارزانی هیڤی خواست پەرلەمانتار ڤەگەڕن بۆ پەرلەمانی و گۆت: “هیڤیدارم هەموو پەرلەمانتار د ئاستێ بەرپرسیارەتیيا خۆ دا بن، پەرلەمانی کارا بکەن. و ئەم چاڤەڕێی وێ چەندێ نە کو ئەو بەڕێزە جارەکا دی ڤەگەڕنه پەرلەمانی و ئێكه‌م پێنگاڤ ژی بت بۆ خزمەتکرنا خەلکێ کوردستانێ و هیڤیدارم بۆ پێکئينانا حکومه‌تا بێت یا کوردستانێ ژی.”