ناڤه‌ندا نووچه‌يان ــ سه‌ما
ڕێکخراوا پەتریکۆر یا مافێن مرۆڤی، ب ڕێکا دامەزراوا سەربەخۆ یا تایبەت ب ونبووییان ل کۆمارا عەرەبی یا سووری (IIMP)، ياداشتنامه‌يه‌كا لێتێگەهشتنێ ل گەل نەتەوەیێن ئێکگرتی ئیمزا کر. ئارمانج ژێ بهێزکرنا هەڤکارییێ یە د دۆسیەیا ونبووییان دا و پشتەڤانیيا هەولێن ڕوونکرنا چارەنڤیس و جهێ ئەوان، و ب هەمان ڕەنگ پالپشتیيا کەسوکارێن وانە.
ياداشنامه‌يێ چارچۆڤەکێ بۆ هەڤکارییێ د ناڤبەرا هەردو ئالييان دا دانایە، د بوارێن ڤەگوهاستنا زانیاری و بەلگەنامەیێن پەیوەندیدار، مفاوەرگرتن ژ شارەزایی و پشتەڤانیيا تەکنیکی، و بهێزکرنا هەماهەنگی و پەیوەندیێ ل گەل کەسوکارێن هندابووییان، ل دووڤ ڕێنمایێن پەیوەندیدار ب نهێنیێ و پاراستنا داتایان.
ئیمزاکرنا ڤێ ياداشتنامه‌يێ د چارچۆڤەیێ کارێ بەردەوام يێ ڕێکخراوا پەتریکۆر دا دئێت ل سەر دۆسیەیا هندابووییێن ئێزدی و تۆمارکرنا کەیسان و پەیوەندی ل گەل کەسوکاران و داکۆکی ب مەرەما گەهشتنا ڕاستیيێ و پاراستنا مافێن کەسوکارێن هندابووييان.
ڕێکخراو، ژ ڕێکا ڤێ هەڤکارییێ ڤە، هیڤیدارە چالاکیێن کرداری یێن هەڤبەش پەرە پێ بدەت، یێن کو پشتەڤانيیێ ل هەولێن گەڕیانێ بکەن، بەشداریا کەسوکاران بهێز بکەن، مفاى ژ شارەزاییێن نێڤدەولەتی وەربگرن د مامەلەکرنێ دا ل گەل دۆسیەیێن ئه‌وان