بنگەهێ لالش و ده‌زگەهێ خێرخوازيێ بارزانی كۆمبوون
سه‌ما:
بنگەهێ لالش و ده‌زگەهێ خێرخوازيێ بارزانی ئۆفيسا دهۆكێ كۆمبوون و پلانه‌كا ڕێكخستى بۆ خزمەتكرنا جڤاكا ئێزدی دانان.
ئيرۆ ڕۆژا ئێك شه‌مبوويێ 9ى حوزه‌يرانێ،ل باره‌گايێ ئۆفيسا ده‌زگەهێ خێرخوازيێ بارزانی ل دهۆكێ،كۆمبوونه‌ك دناڤبه‌را بنگەهێ لالش هەردوو تایێن شنگال و سنوونێ ونڤیسینگەهێن بسەر ڤە و ده‌زگه‌هى دا هاته ئه‌نجامدان و تێدا چەند بابەتێن گرێدایی ب چالاکیان ڤە هاتنە گەنگەشەکرن.
دپشكه‌كا دى يا كۆمبوونێ دا هه‌ردوو لايان پلانه‌كا ڕێکخستى يا كارى بۆ بتر خزمەتكرنا جڤاكا ئێزدی ب گشتی و ئاواره‌يان ب تایبەتی دانان.
بنگەهێ لالش تايێن شنگال و سنوونێ ب هه‌ڤكارى دگه‌ل ده‌زگەهێ خێرخوازيێ بارزانی،تا نۆكه چه‌ندين چالاكيێن ڕه‌وشه‌نبيرى و هه‌مه‌جۆر دچه‌ند بياڤاندا بۆ گه‌نج و لاوێن ئێزدى و ئاواره‌يان ل كه‌مپاندا ئه‌نجامداينه.