تێکستەکێ ئەدەبى
گیاکێ بن حولیکا
دلدار محەمەد
دەنگی ئەو ژ جیهانا ئالۆز یا هزرێن بێ توخیب ب ڤەجنقین ڤه ڤەگراند
هەڤژینا وی گوتێ :ئەڤە خاندنگەهـ ڤەبوون ، دڤیا پێدڤیان بۆ زاروکان بکڕی ، ب تبلێن خۆ رۆژ هژمارتن بۆنە دوازدە رۆژێن ب سەر سەرێ هەیڤێ دا بورین ، هێشتا موچە ئاغای سلاڤی بەریکا وی نەکریە ، دبن لێڤێن خۆڤە گوت: هێشتا گەلەک یا مایی ︎!
تێلەفونەک بو هات ، بەرێ خۆدایێ لسەر نڤێسی بوو سەیدا
گۆڕی ژ پەیڤێن وان دچوو ، گەری ئاڤ بوو :
ـ سەیدا ببۆرە ژی بەلێ ئەز نەشێم باجا خەلەتیێن هەمیا بدەم ،ئەگەر تە بڤێت هەما دێ دەست ژێ بەردەم
زەنگلا مالێ هاتە لێدان و ئەوێ چانتەکا رەش ب قایشا خۆ ڤەکری ، ستۆیێ خۆ خوارکر، و پێنڤیس لڤاند پسولەکا هندی نیڤەکا موچێ وی کرە ددەستی دا
برا تۆ چ چارەیا بۆ خۆ نەبینی دێ بڕین ، ڤێجا کەیفا تەیە!
خەم و ژانا بێ نڤستن شەڤا وی کرە سپێدە ، رۆژ هەلات و هەمی رێک هێشتا د تاڕی نە
بەرەڤ بازاری بۆ سەرکارێ ژ بارێ خەمێن وی گرانتر ، ژ ژیێ وی مەزنتر
خودانێ تەکسییێ یێ ئەختیار دەرگەهێ کەلها بێدەنگیا سەرێ سحارێ شکاند :
ـ مامۆ ژ من عاجز نەبە بەلێ هین یێن ڤێگاڤێ گیاکێ بن حولیکانە !