ژنێن میدیاكار
جه‌میلە حازم
ئافرەت رۆلەكی باش دگێریت ل هەر كارەكی بكەت، راگەهاندن ژی دوور نینە ژ وان كارێن دكەت، بەلێ هەتا نهۆ رۆلێ ئافرەتا كورد د راگەهاندنێ دا ب گشتی زۆر یێ كێمە ئەو ژی بۆ چەند ئەگەران دزڤرت ( خێزان، كومەلگەه، جڤاك و گەلەك ئەگەرێن دیتر…) لێ خوراگریا ئافرەتێ و بەرسنگگرتنا ئاستەنگێن جڤاكی كاری یە تا رادەیەكی زۆر باش سەربكەڤن و ببنە وزە بۆ وان ئافرەتێن حەزا راگەهاندێ هەی.
ئەگەرێن سەرەكی كو دبنە ئاستەنگ د رێكا ئافرەتێ دا د بوارێ راگەهاندنێ دا:
1) خێزان
2) كومەلگەه
3) جڤاك
4) ئافرەت بخو ژی تشتی لبەر خو مەزن د كەت.
5) هەست پێ دكەن جاڤێ هەموویا یێ لێ.
6) گەلەك لدویڤ خەلەتیا دچن.
چ ل سەر ئافرەتێ پێدڤیە بكەت داكو یا سەركەفتی و بەردەوام بت د بوارێ راگەهاندنێ دا:
1) باوەری بخوبوون هەبت بلا تە باوەری ب هێز و شیانێت خو هەبت و باوەریێ بۆ مالا خو و دەوروبەرێن خو چێكەت داكو بكارت دناڤ كومەلگەهێ و جڤاكی دا كاربكەت، ژبەركو هەر ژ كەڤندا سلتە د دەستێ زەلامی دا بوویە و پتر باوەری بخوبون ل دەڤ وی هەیە ژ ئافرەتیّ.
2) ب وی تشتی رازی بە یێ تە هەی.
3) شەرمێ و ترسێ بهێلت، نەترسە بۆ كارێن نوو.
4) ژ ئاریشا نە رەڤین و چارەسەریا بگەرە.
5) كەسەكە بهێزبت ل دەمێ شكەستنەكێ دئینت.
6) بەردەوام بەژداری چالاكی و وركشوپ و خولێن گرێدایی پێشكەفتنا ئافرەتی بت و بەردەوام بت ل سەر دەركەفتنا خو بۆ ژ دەرڤە ب مەرەما سەركەفتنێن خو كاركرن ل سەر خەون و ئارمانجێن خو.
7) ل دەمێ تۆ ل جهەكی ئامادە دبی پشكداریێ د دانوستاندنا دا بكە .
8) بەردەوام خو پێش بێخت و ل سەر خو كاربكەت و پێزانین و زانیارێن گشتی بزانت داكو ل دەمێ كەسەك پسیارەكێ ژێ بكەت وەك راگەهاندكارەك بەرسڤ بۆ وان هەبت و هەست ب كێماسی و لاوازی نەكەت.
9) ژ رەخنەیا رازی بن و بخو وانەیا ژێ وەرگرن.
10) هەموو دەما گرنگیێ ب سەروبەرێ خو بدەت.
11) زۆر پەرتووكا بخوینن .
ئەگەر بەرێ خو بدەینە سالێن نوتان دا ل دەمێ رۆژنامەك یان گوڤارەك دهاتە خوار وێنەكی ئافرەتەكە جوان ل بەرپەرێن دەستپێكێ دانان داكو سەرنجا خەلكەكی بۆ وێ رۆژنامێ یان وێ گوڤارێ بچت و بخوینت، بەس هەكە تە بەرێ خو دابە ناڤەرۆكا وێ ب هیج شێوەكی پەسنا ئافرەتێ ژ لایی رەوشتی و هزرو بوچونێن وێ نەدهاتە كرن، كارتیكرنا وێ ژی بۆ ئافرەتێ ل وی وەختی پەنایە وێ دچو بۆ تشتێن بێ مفا.
