حکوومەتا عيراقێ هاریكاری بۆ كەمپێن ئاواران ڕاگرتینە
باسنيوز:
رێڤه‌به‌رێ كۆچ و كۆچبه‌ر و به‌رسڤدانا قه‌یرانان ل پارێزگه‌ها دهۆكێ دیاركر د نوكەدا حکوومەتا عێراقێ هەمی هاریكاری بۆ كەمپێن ئاواران ڕاگرتینە بریاره هه‌تا رۆژا 30/7/2024ێ كه‌مپ بهێنه دائێخستن لێ ئه‌م دێ به‌رده‌وام هاریكاریا ئاواران كه‌ین”.
پیر دەیان پیر جەعفەر، رێڤه‌به‌رێ كۆچ و كۆچبه‌ر و به‌رسڤدانا قه‌یرانان ل پارێزگه‌ها دهۆكێ بۆ (باسنیوز) دیاركر حكوومه‌تا عێراقێ هاریكارى بۆ ئاواران راگرتینه داكو ئاوارە نەچار بن ڤەگەڕنه سه‌ر مالێن خۆ، نوكه ئه‌م هه‌مى ئاسانكاریان بۆ وان ئاواران دكه‌ین یێن کۆ حه‌ز بكه‌ن ڤه‌گه‌رنه شنگالێ ماوێ بووری پتر ژ 500 خێزانێن ئاواره چوونه سه‌ر مالێن خۆ، ڤەگەڕیانا ئاواران ئارەزوومەندانەیە ل دیف بڕیارا حكوومەتا عێراقێ هەر خێزانه‌كا ڤەگەڕیت، دێ کۆژمێ چار ملیۆن دیناران وەرگریت”.
ئاشكرا كر:” ل دیف بریارا حكوومه‌تا عێراقێ كه‌مپ دێ هه‌یڤا بهێت هێنه دائێخستن لێ ئه‌م دێ به‌رده‌وامیێ دەینە پشته‌ڤانیى و هاریكاریا ئاواران چوو كه‌س ب زووری ناهێنه ڤه‌گه‌راندن”.